Napakatotoo, napakasimple ni Maine—Coco

INAABANGAN na ang pelikulang magtatampok sa tiyak nang hit na tambalan nina Coco Martin at

Maine Mendoza sa 2018 Metro Manila Film Festival (MMFF) entry na Jack Em Popoy: The Puliscredibles, na kasama rin nila ang Kapuso icon na si Vic Sotto. Bukod kay Bossing Vic, puring-puri ni Coco si Maine bilang katrabaho.

“Si Maine parang hindi namin first time magkatrabaho. Family,” bungad agad ni Coco sa panayam sa kanya ng ABS-CBN News.

“Napakasimple niyang tao. Alam ko kung bakit siya mahal na mahal ng mga tao, ng mga fans niya, dahil napakatotoo niya, napakasimple. Walang pretensions, hindi siya nagpe-pretend. Wala siyang kaarte-arte.”

Ang nasabing movie ang unang pagsasamahan nina Coco, Maine at Bossing Vic.

“Napakabait nila, napakasarap kasama. Natutuwa ako, kasi winelcome nila ako,” sabi pa ni Coco.

“Ang sarap makasama nitong tao (Maine) na ‘to, kasi first time n’yong magka-work, pero alam mo yun… Siguro dahil mas nauna ako sa kanya, ‘yung trust. ‘Pag sa action, hindi nga maiilang na turuan siya, i-guide siya, kasi siya mismo… Thankful. Ang sarap sa pakiramdam na alam mong naa-appreciate niya ‘yung ginagawa mo para sa kanya.”

Dedma si Coco sa usaping rivalry between his mother studio ABS-CBN at sa karibal nitong istasyon, angGMA-7 where Maine and Vic belong to.

“Wala namang kumpetisyon. Tanggalin na natin sa isip ‘yan,” sabi ni Coco. “Dapat both parties, lahat ng gumagawa ng pelikula, nagtutulung-tulong para pasayahin lahat ng tao sa Pasko.”

Kabilang ang Jack Em Popoy: The Puliscredibles sa Magic 8 movies na ipalalabas in cinemas nationwide beginning December 25, 2018.