BINAY VS BINAY

Ex-Mayor Junjun puwede bang kumandidato?

Inamin kahapon ni dating Makati City Mayor Junjun Binay na tatlong buwan na ang nakalipas nang huli silang magkausap ng ate niyang si incumbent Mayor Abigail Binay.

Sinamahan kahapon ni Junjun ang kapatid na si Sen. Nancy Binay sa paghahain ng huli ng certificate of candidacy (COC) sa tanggapan ng Commission on Elections (Comelec) sa Intramuros, Maynila, para sa re-election.

“The last time we spoke was during my birthday—July 12. We don’t really see her,” sabi ni Junjun, tungkol kay Abigail.

Una nang napaulat na magtatapatan sa lungsod sina Abigail at Junjun, dahil kapwa kakandidato para alkalde ang magkapatid.

Kinumpirma rin kahapon ng dating alkalde ng Makati na mag-uusap-usap ang kanilang pamilya ngayong weekend, at hinihintaylangnilaangpagbabalikngkanilang mgamagulang—sinadatingVicePresident JejomarBinayatdatingMayorElenitaBinay— nanasapilgrimagetoursaItaly.

“My mom and dad are arriving tomorrow or Sunday. Hopefully, by that time, mapag-usapan na kung ano ang magiging direction for the family,” sinabi kahapon ni Junjun.

Hindi naman direkta ang naging sagot ng dating mayor nang tanungin kung suportado ba ni Sen. Nancy ang kanyang kandidatura para bumalik bilang alkalde ng Makati.

“Because I’m her brother, there is nobody to accompany her because our parents are away,” sabi ni Junjun.

Tinanong din siya kung nasaan si Mayor Abigail: “I have no idea.”

Kinumpirma ni Junjun na may kasunduan sila na uupo si Abigail bilang alkalde para sa isang termino lang, pero inihayag nito kamakailan na kakandidato ito para sa re-election, sa basbas ng ama na dating Bise Presidente.

Aniya, maraming taga-Makati ang hindi kuntento sa pamumuno ni Abigail, idinagdag na 13 konsehal ang “bolted away” mula sa kanyang kapatid.

“Let’s get the facts straight, 13 councilors bolted away from my sister so ito ngayon ‘yung... dito nag-start ‘yung clamor. Many dissatisfied senior citizens, vendors, you know people of Makati, when I go around. They miss the Binay style of governance,” ani Junjun. “They miss the Binay brand of governance of Jojo Binay. That type where he was the one approaching people, and not the other way around. We are always on the ground.” Samantala, naglabas kamakailan ang Department of Interior and Local Government (DILG) ng listahan ng mga kandidato na hindi na maaaring magsilbi sa pamahalaan kailanman.

Gayunman, iginiit ni Atty. Sixto Brillantes, abogado ni Junjun, na walang disqualification laban sa dating alkalde dahil nililitis pa naman ang kaso nito na may kaugnayan sa konstruksiyon ng P1.3bilyon Makati Science High School noong mayor pa ito, taong 2007.

“It cannot apply because it has to be final and executory. Hindi pa final. How can you talk of disqualification? It is still pending in court,” sabi ni Brillantes, dating Comelec chairman.

“Hindi naman authorized ang DILG mag-determine kung sino ang disqualified or hindi. Ang puwede mag-disqualify dito sa Comelec lang. Magkakaroon ng due process. At puwedeng pag-umakyat, kahit disqualification pa dito pwede pang umakyat sa Supreme Court.”