R3.77-M carrots sa mga abandonadong kargamento
Aabot sa P3.77 milyong misdeclared carrots at iba pang kargamento ang nadiskubre nang inspeksiyunin ang mga abandonadong kargamento sa Manila International Container Port (MICP).
Anim sa pitong container vans, na idineklarang abandonado, ang kinapapalooban ng mga carrots na nakapaloob sa kahon ng mansanas at nagkakahalaga ng mahigit P1.97 milyon.
“The six containers of carrots arrived at the MICP on Aug. 24, 2018 with no filed goods declaration for more than fifteen days from the date of discharge of the last package,” ayon kay Customs Commissioner Isidro Lapeña.
Inisyu ang decree of abandonment sa kargamento matapos na mabigo ang consignee na ihain ang entry nitong Oktubre 8.
Ito ay nakapangalan sa ASD Total Package Enterprises, Inc. at idineklara lamang na mga mansanas na, ayon kay Lapeña, ay paglabag sa Section 117 (Regulated Importation and Exportation), Section 1400 (Misdeclaration, Misclassification, Undervaluation in Goods Declaration) ng Customs Modernization and Tariff Act (CMTA) in relation to RA 10845 o the Anti-Smuggling Act of 2016.
Samantala, isa naman sa mga container ay naglalaman ng 500 kahon ng gamit na mga damit, sapatos at laruan na nagkakahalaga ng P1.8 milyon.
Dumating ang kargamento noong Setyembre 4, 2018 at nakapangalan sa Freccia Prime Marketing Co.
“The consignee declared the shipment as to contain hangers and plastic racks. It was deemed abandoned since the consignee and their broker showed no interest in processing their alerted shipment,” ani Lapeña.
Lumabag ang Freccia Prime Marketing Co. sa Section 1400 (Misdeclaration, Misclassification, Undervaluation in Goods Declaration) ng Customs Modernization and Tariff Act in relation to RA 10845 o the AntiSmuggling Act of 2016, at RA 4653 o Prohibiting the Commercial Importation of Textile Articles.