Hydropower project sa Isabela

INILUNSAD ng isang renewable energy company ang proyektong magtatayo ng 19.7megawatt run-of-river hydropower system, sa pamamagitan ng paglagda sa isang memorandum of agreement kasama ng lokal na pamahalaan ng Isabela at ng Echague nitong Miyerkules.

Ang planong hydropower system ay itatayo sa San Miguel, Echague malapit sa ilog ng Ilaguen.

Nilagdaan ng Rio Norte Hydro Corporation (RNHC) officers, sa pangunguna nina Executive Vice President Manolo Candelaria, Echague Mayor Francis Faustino Dy, Isabela Governor Faustino Dy III at San Miguel Barangay Captain Efren Santiago, ang kasunduan para sa proyekto.

“This hydro project is a welcome development in our municipality as it is expected to bring down the cost of electricity for my constituents as well as generate a host of beneficial programs,” ani Dy.

Sinabi naman ni Clarence Jandoc, RNHC Vice-President for Legal and Government Affairs, ang run-of-river power generation ay ikinokonsiderang isa sa most environmentfriendly energy method na maaaring magamit lalo’t kinokontrol nito ang natural na daloy ng tubig upang makalikha ng elektrisidad.

“The project produces nearly no greenhouse emissions,” dagdag pa ni Jandoc. Inaasahang makatutulong ang proyekto sa pagsusupply ng 85 milyon kilowatt ng enerhiya kada taon sa Cauayan at Santiago, kabilang ang mga bayan ng Alicia, Angadanan, Cabatuan, Cordon, Echague, Jones, Luna, Ramon, Reina Mercedes, San Agustin, San Guillermo, San Isidro, at San Mateo.

Ibinahagi rin ni Jandoc na hindi matatapos ang proyekto sa pagsasaayos at konstruksiyon ng hydropower project. Upang matulungan ang komunidad, plano rin ng RNHC na gawing eco-tourism road at magtatag ng ilang programang pangkomunidad sa lugar.

Nangako si Jandoc na maglulunsad ng ilang programa para sa pag-unlad ng komunidad ng Echague na magbibigay din ng kabuhayan at oportunidad sa pag-aaral.

Samantala, ikinatuwa naman ng mga residente ng Barangay San Miguel ang benepisyong kanilang matatanggap sa pagtatayo ng hydropower system sa lugar.

“On behalf of the community, I would like to extend my heartfelt appreciation to Rio Norte for this additional support,” pahayag ni San Miguel Barangay Captain Efren Santiago.

“The road project will help improve our access to basic services like healthcare, market, and schools. Once it is complete, we will be able to transport our products to the marketplace faster,” dagdag pa niya.

“We are also looking forward to more livelihood and employment opportunities for the barangays. It’s wonderful that Rio Norte is now our neighbor,” giit ni Santiago.