Direk Yam, type ang pelikulang walang leading man
SA All Souls Night mediacon ay nakausap namin nang solo si Direk Yam Laranas of Aliud Entertainment, na isa sa producer ng pelikula ni Andi Eigenmann, kasosyo ang Viva Films. Sinabi niya na sobra siyang humanga sa husay umarte ng aktres.
Bagamat hindi si Direk Yam ang direktor ng All Souls Night, dahil ipinagkatiwala niya ito kina Aloy Adlawan at Jules Katanyag, ay handson pa rin siya sa pelikula.
“Tinitingnan ko ang acting ng artista in terms of truth. ‘Yung truth na ipinapakita nila sa facial expression, physical movement and all, and then binabagay ko sa character ng movie,” kuwento ni Direk Yam tungkol kay Andi.
“Andi by nature, ewan ko kung saan nagmana (galing umarte). Meron kasi siyang independent moment niya, is what coming out as a strong personality, not strong to offensive ha, but strong in the sense that ‘yun ang hinahanap ng karakter niya sa All Souls Night.
“Ayaw ko na kasing gumawa, not a final decision ha, pero ayaw ko ng gumawa muna ng babaeng kailangan ng leading man sa movie. Ayaw ko na. Kailangan ko ng someone who can stand alone at inumpisahan ko ‘yan sa Radyo (2001) with Rufa Mae (Quinto) na binugbog niya si Epy Quizon.
“But for this time, ‘yung character ni Andi sa All Souls Night, she has to survive kasi she’s trapped in this house that may or not be invaded by super-natural being, a demonic being whether she’s trying to help the family members or just survive by her own. In fact, ang character nga niya without spoiling the film, ‘dedma kayo diyan alis ako dito’ parang ganun.”
Bilang producer ay may karapatan si Direk Yam na pakialaman ang trabaho nina Direk Aloy at Direk Jules pero hindi niya ginawa.
“I gave them all the freedom kasi nga I’m a filmmaker also I know how it feels being, you know. We agreed kaagad kami before the shoot. I gave them all the freedom. I have an idea how it will end, pero nung nakita ko ‘yung ending nila, mas maganda ‘yung ginawa nila.
“The story was written by Gin De Mesa (asawa niya), mga stories niya na written long time ago.”
Napansin namin na karamihan sa pelikulang ginawa ni Direk Yam ay pawang horror.
“For a lack of a better term or a marketing term, horror movie probably is a good way to market. And then iyon ang pinakamaraming genre. And if you look at my movies, meron underlying na ideas doon na it’s more of a psychological thriller.
“Gusto ko kasing mag-bend ng genre. Horror nga, pero gusto kong elevated horror, meaning story-driven na hagis pusa, tatakbo ‘yung zombie it’s not just. There is a point where you have a distinction between a storydriven horror film more than just a jump scare type o gulatan kind of movie. Maraming ganun, e, Hollywood movies or saan mang countries,” paliwanag ni Direk Yam.
Anong local horror movies ang nagustuhan na niya? “I’ve always like Patayin sa Sindak si Barbara of Celso Ad Castillo. Even the Chito Roño, Babae sa Bintana, to me that’s a horror movie, drama ang category nun, pero it’s a psychological thriller ‘yun. ‘Yung Peque Gallaga Scorpion Nights, that’s scary film, Kisapmata by Mike de Leon, that’s a horror film kasi domestic violence, so it’s so scary. ‘Yun ang ibang category ng horror, marami kasi, iba-iba.”
At sa foreign films naman ay gusto niya ang pelikulang Get Out (2017) categorized as horror, but it’s a domestic drama kind of psychological thriller pero hindi siya horror.
“As of now ang paborito kong Hollywood horror movies, I’m into classic pa rin, and I like the Scandinavian films like Let the Right One In (2008), gusto ko ‘yung tone ng Scandinavian, ng Sweden, or Norway.”
Going back to All Souls Night, ay gandang-ganda si Direk Yam sa bahay na ginamit sa pelikula na isang lumang bahay na matatagpuan sa Gubat sa Siyudad sa Legarda, Manila.
“Literally doon kami nakakulong kasi nga doon lang naman kami,” say ni Direk Yam.
Biniro nga namin na ang tipid ng pelikula kasi walang masyadong location.
“Kasi nga as a producer I’ll make sure that may crew, actors and staff only works for 16 hours. Ayoko ng ngaragan, kahit wala kaming pera aayusin namin ang budget para makapagtrabaho sila ng 16 hours, mag-oovertime nang konti, 2-3 hours max (maximum), that’s it. “And then meron kaming tinatawag na turned around meaning kung anong oras ka pumak-ap. Let’s say packup ka ng 8AM, magbibilang ka ng 8 hours turned around, that’s the only time you call for the next day. Hindi ka puwedeng mag-call nang maaga, kailangan magpahinga lahat.”
Ganito ka-istrikto si direk Yam na hanggang maaari, kapag gumagawa siya ng pelikula ay ayaw niya ng may segue-segue, dahil pare-parehong mahihirapan ang lahat, lalo na ang artista na nawawala raw ‘yung momentum sa karakter at saka mas magastos.
‘Kung kaya mong mag-grocery ng isang araw para sa buong linggo, bakit hindi mo gawin? Bakit kailangang araw-araw kang mag-grocery?’ ito ang katwiran ng disiplinadong direktor.
Nakatrabaho niya ang dalawang magaling na artista ng Viva na sina Anne Curtis at Andi, sino ang pangarap pang maidirek ni Yam?
“Wow, if Sarah Geronimo—you can put this on record—if Sarah Geronimo can work with me without any limitations, I’ll work with her anytime,” diretsong sabi sa amin.
Katwiran namin na parang imposibleng walang lagare si Sarah dahil marami siyang commitments, kaya nga natagalan bago matapos ang Miss Granny dahil sa rami ng segue niyang concerts sa ibang bansa.
“Oo, ayoko ng may ibang ginagawa, ayoko ng tawid-tawid. Like si Anne was with us for 15 days in Aurora. Actually marami akong gustong makatrabahong actors, sana mabigyan kami 10-15 days puwede na ako,” paliwanag ni Direk Yam.
Going back to All Souls Night, ay mapapanood na ito sa Oktubre 31, handog ng Aliud Entertairment at Viva Films.