Pinoy actors, shows wagi sa unang Asian Academy Creative Awards
KINILALA ang mga Filipino shows at mga Pinoy na aktor sa unang Asian Academy Creative Awards (AAAs).
Binigyang-pugay sa AAAs, na tinaguriang pinakaprestihiyosong awarding rites para sa creative excellence, ang mga programa at aktor mula sa 20 bansa na nagpakitang-gilas “in craft and technical disciplines across multiple platforms including television, digital, streaming and emerging technologies.”
Iniuwi ng GMA network ang pinakamaraming bilang ng awards na may kabuuang 16.
Ang mga Kapuso actor na kinilala ng AAAs ay sina Kambal Karibal co-actors
Miguel Tanfelix (Best Actor in a Leading Role) at Kyline Alcantara (Best Actress in a Supporting Role), at Gabby Eigenmann ng
Contessa (Best Actor in a Supporting Role). Samantala, ginawaran si Michael V. ng Best Comedy Performance para sa kanyang show na Pepito Manaloto, na nagwagi ring Best Comedy Programme.
Para sa News and Current Affairs, nasungkit ng GMA ang Best Infotainment Programme para sa Kapuso Mo, Jessica Soho, habang wagi rin ang host nitong si Jessica
Soho ng Best News or Current Affairs Presenter. Napagwagian naman ng State of the Nation: Marawi Liberation War is Over
ni Jessica ang award para sa Best News Programme.
Ang iba pang mga GMA-7 show na ginawaran ng parangal ay ang: 24 Oras: Exclusive Report on the Rescue of Hostages in Marawi – Best Single News Story/Report; I-Witness: War Zone ER – Best Current Affairs Programme or Series; Philippine Seas – Best Documentary Programme; Inside Marawi:
A Report on 360 Video ni Raffy Tima – Best Immersive (360, VR); Ika-6 Na Utos – Best Telenovela/Soap; The Clash – Best Music or Dance Programme; Daig Kayo Ng Lola Ko
– Best Children’s Animated Programme or Series; at Inday Will Always Love You Launch Promo – Best Promo or Trailer.
Nakasungkit din ang ABS-CBN ng malalaking parangal sa AAAs, at apat na award ang naiuwi nito.
Kinilala si Kapamilya actress Maja
Salvador bilang Best Actress in a Leading Role para sa kanyang show na Wildflower.
Ang iba pang nagwagi ay sina Theodore
Boborol (Best Direction – Fiction, Araw Gabi),
Maalaala Mo Kaya (Best Single Drama or
Telemovie) at The Greatest Love (Best Drama
Series).
Binigyang-pugay din ng AAAs ang Tilda
Appleseed ng August Media bilang Best 2D Animated Programme or Series at Best Preschool Programme, ang Philippines: Island
Treasures ng BBC bilang Best Natural History or Wildlife Programme, Story of the Filipino:
Tuberculosis ng CNN bilang Best Branded, at ang Disney Princess : I Dare To Dream ng BDA Creative Philippines bilang Best Children’s Entertainment or Drama.
Kinilala rin ang mga show at aktor mula sa Singapore, India, Malaysia, China, Hong Kong, Australia, New Zealand, Taipei, Indonesia, Japan, Korea, Thailand, Vietnam, Myanmar, at Bangladesh, sa unang AAAs.