Boracay party, bawal na sa beachfront

Pinapayagan pa rin ang mag-party at iba pang beach activities sa Boracay Island, basta gagawin ito sa loob ng bahay o sa mga lugar na hindi saklaw ng beachfront.

Ito ang paglilinaw nina Department of Environment and Natural Resources (DENR) Undersecretary Sherwin Rigor at Benny Antiporda kaugnay ng pagbubukas muli ng tanyag na isla sa Biyernes (Oktubre 26).

Paglilinaw ni Rigor, pinoprotektahan lang ng DENR ang baybayin at upang mapanatili ang kalidad ng buhangin, na tanging ipinagmamalaki ng Boracay.

Kabilang sa mga ipinagbabawal ang pagtatayo ng stage platform para sa mga nagsasaya, paglalagay ng mga mesa, upuan, massage bed, beach umbrella, souvenir shop at food stall.

Ipinagbabawal din ang pagkakabit ng mga pailaw at wirings sa beachfront vegetation area.

“These structures will be banned at all times within the 25+5 easement area, which is a ‘no-build zone’, and within the beach vegetation area,” sabi ni Rigor.

Ipatutupad, aniya, ito sa White Beach Stations 1, 2 at 3, gayundin sa Puka, IligIligan, at Bulabog beaches.

Kaugnay nito, nilinaw naman ni Antiporda ang lumabas na infographic na may temang “New Boracay Dos and Don’ts” na viral ngayon online, at binanggit doon na ipinagbabawal ang pag-ihaw ng karne sa isla.

“This is not true. The task force does not prohibit such,” ani Antiporda, tinutukoy ang Boracay Inter-Agency Task Force na pinamumunuan ni DENR Secretary Roy Cimatu. “Grilling is still allowed, but not in the beachfront.” Inihayag naman kahapon ni Department of Interior and Local Government (DILG) SecretaryEduardoAñonamaghihigpitnasila ngayonsamgaturistangpapasoksaisla.

“Boracay is now very fresh and very orderly but of course there are still a lot of things to be done for the next two years,” ayon kay Año.