Aaron Carter, back on track na
MATAPOS ang mga pinagdaanang pagsubok, handa na umanong magbagong buhay ang ‘90s pop sensation na si Aaron Carter.
Una nang inamin ni Aaron na naging roller coaster ride ang kanyang buhay nitong mga nakalipas na taon.
Mula sa kanyang early 2000s pre-teens pop reign, nakaranas na si Aaron ng ilang personal na trahedya. Nakipaghiwalay ang 30 taong gulang na singer sa kanyang photographer girlfriend, ilang buwan makaraang pumanaw ng kanyang ama dahil sa atake sa puso. Pagkaraan ay inaresto naman siya dahil sa umano’y DUI, pumasok sa rehab, binatikos at na-bully online dahil sa kanyang hitsura at postura, at isinapubliko ang pakikipag-away sa kanyang kapatid, ang dating Backstreet
Boys member na si Nick Carter, sa harap ng publiko.
Naging laman ng balita si Aaron dahil dito. Ngunit ngayon, handa na siyang magsimulang muli.
Sa isang ekslusibong panayam sa Bulletin
Entertainment, inihayag ni Aaron na wala siya umanong ideya kung ano ang maaaring sumalubong sa kanya sa hinaharap, ngunit sisiguruhin niyang gagawin niyang kapakipakinabang at masaya ang bawat araw na kanyang haharapin.
“It’s hard to say really because every day things change. I’m trying to focus on my relationship, working on getting my first house, things like that,” pagbabahagi niya.
Ang bahagi ng pagbabagong sinasabi niya ay ang pag-amin niya bilang isang bisexual. Noong August, ibinahagi ni Aaron na “(he) started to find boys and girls attractive” as a youth, at nagkaroon ng “experience with a male”, “(whom he) worked with and grew up with.”
Sa kabila ng kanyang sexual preference, ang mahalaga ay pinananatili niyang malusog ang pangangatawan at malayo sa gulo. At malaki ang naitutulong ng pagtutuon niya ng pansin sa musika.
Samantala, pinasalamatan din ni Aaron ang kanyang fans na walang sawang sumuporta sa kanya.
“I want to keep working and doing my own thing. I want to focus on my own creative process and my own vision. I want to be able to do my own thing and make my own style of music.”
May tour naman si Aaron bilang bahagi ng kanyang album promotion. At isa sa mga bansang pupuntahan niya ang Pilipinas.
Siya ay 14 taong gulang pa lang nang una siyang bumisita sa bansa para mag-concert. Makalipas ang 16 years, ano ang inaasahan niya sa kanyang Filipino fans?
“It’s been a while and all I can say is that I miss my fans in the Philippines and, please, I am looking forward to seeing them in the show. It’s been a long time and it has also taken me a long time to get back on track and now it’s amazing,” aniya.
Presented by KBeam Events, ang Aaron Carter LØVË Tour Live in Manila ay gaganapin na sa Nobyembre 18 sa KIA Theater sa Araneta Center, Quezon City.