Patutulugin ko si Randy — Alvarado
MINALIIT ni IBF No. 1 light flyweight contender Felix Alvarado ang kakayahan ng No. 3 ranked na si Randy Petalcorin, dahil buo ang kanyang kumpiyansa na patutulugin niya ang Filipino boxer para maiuwi sa Nicaragua ang bakanteng IBF light flyweight crown sa kanilang sagupaan sa Oktubre 29, sa Solaire Resort Hotel & Casino, sa Parañaque City.
“Randy is a champion and a good fighter but I need and will bring that belt home to Nicaragua,” sabi ni Alvarado sa Fightnews.com. “I have waited for so long for this chance and will never let it go. My country is filled with conflicts and tragedies. This win will be my gift to the Nicaraguan people.”
Buo ang tiwala ni Alvarado na patutulugin niya si Petalcorin, na napatigil lamang sa 2nd round ni dating WBO bantamweight champion Marlon Tapales noong Enero 23, 2010, sa kanilang light flyweight bout sa Cuneta Astrodome sa Pasay City.
“We anticipate Randy’s good condition and did our best to be in better shape than him. I have done everything in the gym,” dagdag ni Alvarado. “Come fight night I am just claiming the win I deserve. Fight in our enemy’s turf, we will never let this fight be decided by the judges. Lastly, I am very grateful to my promoter William Ramirez for this opportunity.”
Nakatakdang dumating si Alvarado sa Maynila sa Martes (Oktubre 23) para pakiramdaman ang klima sa ating bansa at maghanda sa kampeonatong pandaigdig na itinataguyod ng MP Promotions, Sanman Promotions, ESPN5, at Peter Maniatis Events.
May record si Alvarado na 33 panalo, 2 talo na may 29 pagwawagi sa knockouts kumpara kay Petalcorin na may 29-2-1 record, na may 22 pagwawagi sa knockouts.