Blue Blade/RJM Super Big Event 7-Stag ngayon sa Mandaue
PAPAGITNA ngayong Linggo, Oktubre 21, ang pinakaprestihiyosong labanan ng mga stags o mga batang manok-panabong sa Gallera de Mandaue sa Mandaue City, Cebu, sa paglalatag ng pinakahihintay na Blue Blade/RJM Super Big Event 7-Stag Derby.
Kabuuang 123 sultada sa pagitan ng 35 matitibay na entries ang papagitna simula 11:00 ng umaga.
Handog ng dalawang naghaharing World Pitmasters Cup co-champions na si Engr. Sonny Lagon at ang matalik niyang kaibigan na si RJ Mea ng Quezon, dadalhin ng dalawa ang mga pinakasikat at pinakamahuhusay na mananabong at mga gamefowl breeders mula sa iba’t ibang bahagi ng bansa papunta sa isla ng Cebu para sa isang makasaysayang labanan ng inakamagagaling na bagong linyada ng mga tinale sa Pilipinas.
Nasa pagtataguyod ng Thunderbird Bexan XP at Thunderbird Platinum, ang labanan ito ay may entry fee na P220,000 at minimum bet na P55,000.
Magtutuos sa ibabaw ng ruweda sina Atong Ang, Gerry Ramos, Gov. Eddie Bong Plaza, Arjay Mea, Eric dela Rosa, Engr. Femy Medina, Mayor Ambin Amante, Anthony Lim, Edwin Tose, Mayor Goto/Aldo, Danny-Bulldog, Ricky Magtuto, Barry Crisostomo, Cong. Peter Unabia, Engr. Jun Sevilla, Halcon Talavera, Bong Pineda, Atty. Edgar Santos, Ramon Manzenares, Bobby Go, Robert Yu/ Elwin Javelosa, Mayor Yap, Atty. Arcal Astorga, Dori Du, Gov. Claude Bautista, Larry Rubinos, Jun Bacolod, Procy Terrei, Jun Roble/Dante Islabon, Cano Daniel, Rey Cañedo, at Jayson Garces.