St. Clare-Caloocan, lumapit sa ‘three-peat’
ISANG panalo tungo sa kasaysayan ang Saint Clare College- Caloocan.
Kumakatok ang Saints sa pintuan ng ‘basketball immortality’ nang gapiin ang Enderun Colleges, 81-67, sa Game 1 ng kanilang best-of three title series sa NAASCU men’s basketball championship kahapon sa Pasig Sports Center.
Kakailanganin ng Saints na makaulit sa Game 2 sa Biyernes (Oct. 26) para makopo ang ‘threepeat’.
Hataw ang “Fearsome Foursome” nina Junjie Hallare, Joshua Fontanilla, Irven Palencia at Mohamed Pare sa naitumpok na pinagsamang 65 puntos para sa Saints.
“Thank God for another victory. Congratulations to our players, who did a real good job,” pahayag ni St. Clare coach Jiniño Manansala, target ang ikaapat na NAASCU title sa nakalipas na pitong season.
“Isang panalo na lang para sa kampeonato,” ayon sa anak ng dating PBA Rookie of the Year Jimmy Manansala.
Sa kasalukuyan, tabla ang Saints sa Centro Escolar University ni coach Egay Macaraya para sa pinakamaraming titulo sa liga.
Kung aabot ang serye sa Game 3, nakatakda ito sa Lunes (Oct. 29).
Tumapos si Hallare ng 24 puntos mula sa 12-of-22 shooting, habang kumana si Fontanilla ng 17 puntos at walong rebounds.
Sa junior class, nagwagi rin ang St. Clare kontra defendng champion Our Lady Fatima University, 89-51, sa Game 1 ng parehong serye.
Iskor:
(Juniors division)
St. Clare (89) - Catacutan 19, Dayrit 17, Lopez 15, Green 7, Victoriano 6, Mwamba 6, Cañares 6, Trajico 4, Estrada 3, Nieva 3, Nieles 2, Balallo 1, Falo 0
Fatima (51) - Panganiban 10, Alejandro 8, Gomez 6, Vinluan 5, Regalado 4, Bernos 4, Layug 4, Valiente 4, Penafiel 2, Pascual 2, Compas 1, De Jelo 1, Castillo 0
Quarterscores: 22-8, 53-26, 69-36, 89-51
(Seniors division)
St. Clare College (81) Hallare 24, Fontanilla 17, Palencia 13, Pare 11, De Leon 8, Santos 3, Catura 2, Fuentes 2, Junsay 1, Rubio 0
Enderun College (67) - Chauca 19, Mariano 10, Maagdenberg 9, Sacundo 8, Dungan 8, Gatdula 6, Oebanda 6, Nuñez 1, Dela Cruz 0
Quarterscores: 21-18, 4133, 64-48, 81-67.