Masunuring mga magnanakaw, arestado
Isang grupo ng mga magnanakaw ang tinaguriang “the dumbest robbers in Belgium” matapos mahulog sa isang simpleng bitag.
Nangyari umano ang “unbelievably stupid robbery attempt” kamakailan, nang pasukin ng isang grupo ng mga armadong kalalakihan ang e-cigarette shop sa Charleroi City, Belgium. Tinutukan umano ng mga lalaki ang may-ari at sinabing ibigay sa kanila ang lahat ng laman ng kaha. Hapon umano naganap ang insidente, kaya’t sinabi ng matalinong may-ari na wala pa siyang nagbebenta, at kung gusto nilang may makuha sa kanya, bumalik na lamang sila kapag magsasara na ang shop at baka makapagnakaw pa sila ng 2,000 hanggang 3,000 euro kung susundin nila ang payo ng may-ari.
Matapos umalis ng mga magnanakaw, agad na humingi ng saklolo ang may-ari sa mga pulis at ikinuwento ang nangyari.
Bumalik umano ang mga magnanakaw maaga ng isang oras sa pinag-usapan, at dahil walapaangmgapulispinaalismulingmay-ari ang mga ito. “I berated them saying ‘you have to buy a watch.’ I said, ‘it’s 5:30 not 6:30,’ and they left,” aniya.”They weren’t the brightest.”
Maniwala man o hindi, bandang 6:30 umano ng hapon bumalik nga mga magnanakaw na handang kunin ang kita ng shop. Ngunit hindi nila inakala na naghihintay na sa kanila ang mga pulis kaya’t agad silang naaresto.
“It’s like it was a comedy,” pahayag ni Didier. “They’re being called the worst robbers in Belgium.”