Ginebra Kings, asam ang ‘Twice-to-Beat’
Mga Laro Ngayon Araneta Coliseum
4:30 pm Alaska vs. Northport 6:45 pm Ginebra vs. Magnolia
GANAP na makasiguro ng bentaheng twice-to-beat sa playoff round ang tatangkain ng Barangay Ginebra sa gagawing pakikipag-agawan ng liderato sa Magnolia sa tampok na laro ngayong gabi sa pagpapatuloy ng 2018 PBA Governors Cup sa Araneta Coliseum.
Kasalukuyang magkasunod sa top two spots ang Hotshots at ang Kings taglay ang 8-2 at 7-2, panalo-talong baraha ayon sa pagkakasunod.
Ngunit ang Magnolia pa lamang ang nakakasiguro sa ngayon ng puwesto sa top 4 dahil sa taglay nitong walong tagumpay habang apat na koponan ang nag,aagawan sa huling tatlong upuan kabilang na ang Kings gayundin ang Alaska at Phoenix na patas sa markang 7-3 habang humahabol pa ang Blackwater Elite (6-3).
Mauuna rito, tatangkaing kumalas ng Aces sa pagkakatabla nila ng Fuel Masters sa third spot sa pagsagupa nito sa out of contention ng Northport.
Ganap na 4:30 ng hapon ang salpukang Aces at Batang Pier na maayos na exit na lamang ang habol sa tangkang iangat ang kasalukuyang barahang 3-8, panalotalo na susundsn ng tapatang Ginebra-Magnolia ganap na 6:45 ng gabi.
Bagamat nakakatiyak na ng twice-to-beat incentive, hindi basta-basta magbibigay na lamang ang Hotshots dahil hangad nilang pahandaang mabuti ang pagsabak sa playoff upang makasiguro ng psg-usad nila sa semifinals.
"We want to win as many games as we can and build a momentum we can ride on in the playoffs," pahayag ni Hotshots coach Chito Victolero matapos ang nakaraang 116-103 panalo nila kontra TNT Katropa.
Samantala, tatangkain namang makabawi ng Aces mula sa 110-116 na kabiguang natamo sa kamay ng NLEX sa nakaraan nilang laro upang msisara ang kanilang elimination round csmpaign sa pamamagitan ng tagumpay.