Pia Magalona, dawit na sa awayang Elmo-Janella
SINO ANG MAY BORDERLINE PERSONALITY DISORDER?
BAGAMAT walang binanggit na pinatutungkulan, dahil sa tweet ni Pia Magalona ay muling uminit ang isyu sa pagitan nina Elmo
Magalona at Janella Salvador.
Ang daming nag-comment: proat anti-Elmo, at pro- at anti-Janella.
“In borderline personality disorder, devaluation often alternates with idealization. They may shift from great admiration for a loved one—idealization of that person—to an intense anger or dislike towards that person— devaluation of that person,” tweet ng mommy ni Elmo.
Comment ng pro-Elmo, parehong nasaktan sina Elmo at Janella. Mas masakit lang daw ang nangyari sa aktor dahil ipinahiya ito ni Janella sa nalathalang interview ni Ricky Lo sa aktres.
Dagdag pa ng mga mas naniniwala kay Elmo, unang sinampal ni Janella si Elmo bago nasaktan ni Elmo si Janella dahil sa selos. Nakainom din daw noon si Janella. Sana raw, pati ‘yun ay sinabi ni Janella sa interview sa kanya para fair ang lahat.
Sumagot naman ang supporters ni Janella. Sabi nila, granted na may kasalanan si Janella kaya nasaktan ni Elmo, hindi pa rin niya deserve ang saktan verbally or physically.
May payo naman ang may Twitter handle na si @Felizia56658229 kay Pia: “Don’t let Elmo do the public apology, for what? He did already say sorry to the mother, in person and already talk to the girl. He did the right thing that’s it. Don’t degrade himself, he didn’t do wrong to the whole world. Truth will prevail, always pray for Elmo.”
May mga naniniwalang si Elmo ang gustong tukuyin ni Pia sa kanyang tweet. Hindi lang daw nito madiretsong may mental problem ang anak. Umaasa naman ang may Twitter handle na @Princess Peachi Pichi na “Elmo is getting treatment for his Borderline Personality Disorder (BPD) at alcohol issues.”
Wala kaming makitang masama sa pagpapahayag ng saloobin ng dalawang kampo, pero parang OA na ‘yung nabasa namin na pinagbantaan si Elmo na sasaktan kapag nakita sa labas.
Wala kayong karapatang saktan si Elmo at hindi n’yo isyu ito, kaya ‘wag kayong makialam. Hayaan nating lutasin ng mga kinauukulan ang isyu nila.