Pinoy zombies, tiyanak sa ospital sa ‘KMJS’

KUNG ang mundo ng pelikula ay may Shake, Rattle and Roll series, ang Philippine TV, simula 2013, ay may

Kapuso Mo, Jessica Soho “Gabi ng Lagim” Halloween Special. Tampok dito ang pinaka-nakapangingilabot na karanasan ng mga manonood.

Binago ng Gabi ng Lagim ng KMJS ang paggawa ng horror documentary sa pagkakaroon ng malapelikulang pagsasadula sa tulong ng mga batikang direktor ng pelikula at telebisyon. At sa kauna-unahang pagkakataon, hindi lang tatlo, kundi apat na istorya ng kababalaghan ang tampok sa Gabi ng Lagim VI!

Mayaman at madugo ang kasaysayan ng umano’y mala-kabaong na hugis ng gusali ng Manila City Hall. Kaya ba magpahanggang ngayon ay marami pa rin daw ang paggala-gala ritong mga kaluluwa? Sa direksiyon ni Rember

Gelera, pakinggan ang mga katakuttakot na kuwento ng katatakutan ng mga empleyado rito.

Magbabalik sa KMJS ang kontrobersyal na paranormal investigator na si Ed Caluag para imbestigahan ang mga paranormal sightings sa Manila City Hall.

Sa Kabisayaan, hindi pa rin mamataymatay ang kuwento tungkol sa mga bangkay na nagbabalik raw mula sa hukay.

Sa Amaranhig ng Cannes Film Festival director na si Adolf Alix Jr., magtatayuan ang inyong mga balahibo sa mga patotoo ng mga nakakita umano sa Amaranhig—o ang tinaguriang Pinoy version ng zombie. Saan nga ba nag-ugat ang ganitong kuwento?

Baka atakehin ka sa puso sa istoryang ito, pero ipanalangin mong hindi ka itakbo sa isang ospital sa Pampanga, kung saan meron umanong Tiyanak! Hahawakan ng Peabody-winning director na si

Aaron Pappins Mendoza ang naturang kuwento.

Kilala n’yo ba si Jay Costura? Siya ang binansagang Nostradamus ng social media matapos niyang mahulaan ang pagsadsad ng Xiamen Airlines, ang pagkasunog ng isang resort casino, ang buhawi sa Marikina, at iba pang mga trahedya. Patunay rito ang mga Facebook posts niya, na nangyari bago ang mga naturang sakuna.

Ang bida sa Cinemalaya classic na

Ang Pagdadalaga ni Maximo Oliveros na si Nathan Lopez ang gaganap na Jay Costura sa “Third Eye”sa direksiyon ng Cinemalaya winner na si Zig Dulay.

Sa pangunguna pa rin ni Ms. Jessica

Soho, huwag pahuhuli sa taunan at inaabangang Undas Special ng Kapuso Mo,

Jessica Soho ngayong Linggo ng gabi, sa