‘Sunday PinaSaya’ grand fans day ngayon
NGAYONG Linggo ay iniimbitahan ng
Sunday PinaSaya ang lahat ng fans at viewers nito sa isang bigatin at star-studded na selebrasyon, sa Grand Fans Day ng Sunday variety show ng GMA-7.
Live mula sa
GMA Network Drive, inihahandog ng “SPS Kapuso Fans Day” ang enggrandeng pasasalamat para sa lahat ng manonood na walang sawang nagmamahal at sumusuporta sa nangungunang Sunday noontime habit sa bansa.
Magkakaroon ng Halloween special ang buong cast ng Sunday
PinaSaya, tampok ang mga patok na Kapuso telefantasya, ang Mulawin,
Encantadia, at Victor Magtanggol. Imbitado ang lahat na isuot ang paborito nilang telefantasya costumes.
Makikibahagi rin sa saya ang cast ng Kapag
Nahati Ang Puso, My Special Tatay, Onanay, at Pamilya Roces. Kasama rin sa selebrasyon ang The Clash Grand Winner na si Golden Cañedo at ang The Clash finalists na sina
Josh Adornado, Jong Madaliday, Miriam
Manalo, at Garrett Bolden.
Magkakaroon ng pagkakataon ang mga fans na makilala at makipag-bonding sa kanilang iniidolong Kapuso stars sa iba’t ibang on-stage performances at on-ground activities.
Mayroon ding celebrity bazaar, at ang proceeds nito ay mapupunta sa Give A Gift project ng GMA Kapuso Foundation.
Libre sa lahat ang “SPS Kapuso Fans Day”, na magsisimula ang registration ng 8:00 ng umaga, habang bubuksan ang gate ng 10:00 ng umaga hanggang 5:00 ng hapon.