‘Gate to China’ binuksan sa Davao

Asahan ang pagdagsa ng mas maraming turistang Chinese sa Davao City, sinabi ni Chinese State Councilor and Foreign Minister Wang Yi, na nitong Linggo ay pinasalamatan si Pangulong Rodrigo R. Duterte at anak nitong si Mayor Sara, sa pagbubukas ng “gate to China.”

Sinabi ni Wang na ang pagtatayo ng Consulate General sa Davao ay magpapalakas sa subnational interactions ng dalawang bansa at mabibigyang-pansin ang Davao bilang “pioneer and shining example.”

“I believe more Chinese visitors will come to Davao to enhance the friendship between our two people’s and contribute to the development of this city and the Southern Philippines,” aniya sa inauguration ceremony ng Consulate General of the People’s Republic of China nitong Linggo.

Pinuri ni Pangulong Duterte ang muling pagsigla ng relasyon ng Pilipinas at China.”We have normalized our relationship and I thank you China for all the things that you have done for me,” aniya.

Sa parehong araw, inilunsad ng Hong Kong-based Cathay Pacific Group ang direct Davao-Hong Kong flights, apat na beses sa isang linggo.

Sa datos na inilabas ng City Tourism Office (CTO) kahapon, tinatayang 7,907 turistang Chinese ang bumisita sa lungsod mula Enero hanggang Setyembre.

Mainit na tinanggap ni Foreign Affairs Secretary Teodoro L. Locsin Jr. ang pagbubukas ng Chinese Consulate General. “May this be a continued testament to an immemorial friendship,” aniya.

Kahapon, nagpulong sina Locsin at Wang sa Davao City para talakayin ang kooperasyon ng Pilipinas at China sa iba’t ibang larangan.