Pagkilala sa pinakamahuhusay na kooperatiba sa Kidapawan
PINARANGALAN ng Kidapawan ang mga katangi-tanging kooperatiba kaugnay ng pagdiriwang ng Cooperative Month celebration, kamakailan. Sa pahayag ni Mayor Joseph Evangelista na inilabas nitong Linggo, ang pagpaparangal ang isa sa mga tampok sa pagdiriwang ng coop month na layuning kilalanin ang mga kooperatiba sa lugar para sa higit pang pagsisikap at pagiging produktibo ng mga ito.
Hinati ang mga kategorya sa halaga ng asset na mayroon ang bawat kooperatiba. Ito ang Micro (PHP3 million below), Small (PHP3 to PHP10 million), Medium (PHP10 million to P100 million), at Large (PHP100 million up).
Kabilang sa mga pinarangalang kooperatiba ang Cotabato Provincial Government Employees Retirees Multi-Purpose Cooperative (COPGREMCO), para sa Best Micro Coop; ang Kidapawan City National High School Teachers Employees Retirees (KCNHTER), Best Small Coop; at ang Kidapawan City Division Office Teachers Retirees Employees MPC (KCDOTREMCO), sa Best Medium Cooperative.
Kinilala rin ang Sta. Catalina MPC bilang Best Cooperative Branch at Mediatrix Multi-Purpose Cooperative para sa Best Large Cooperative.
Nakipagtulungan ang lokal na pamahalaan sa 44 na rehistradong kooperatiba sa pamamagitan ng City Cooperative Development Office (CCDO) para sa pamamahagi ng tulong pangkabuhayan sa mga benepisyaryo nito.
Nagpaabot ng Technical assistance ang CCDO sa mga koopretiba tulad ng pagbuo ng mga ulat na ipapasa sa Cooperative Development Authority, financial management training sa mga kooperatiba at pagiging mediating party para sa mga desisyon at problema ng kooperatiba.
Bukod sa pabibigay-parangal nagkaroon din ng mga tree planting activity, forums at bloodletting activity sa buong buwan ng selebrasyon.
Samantala, nakatakdang idaos ngayong araw, Oktubre 30, ang cooperative congress para sa cooperatives culminating program ng probinsiya ng North Cotobato.