Rematch: Benilde vs Mapua

GINAPI ng College of St. Benilde-La Salle Greenhills ang Jose Rizal University, 97-71, sa do-or-die match kahapon sa Final Four ng NCAA Season 94 Juniors Basketball Tournament sa Filoil Flying Center sa SanJuan City.

Pinangunahan ng trio nina Joel Cagulangan, Joshua David, at Inand Fornilos para makabalik sa championship at maidepensa ang titulo.

“More than the stat sheet, it was the intangibles they brought – the leadership, the camaraderie,” pahayag ni head coach Marvin Bienvenida. “We learned our lesson from when we lost last game. We didn’t want that to happen again.”

Tumapos si Cagulangan na may 19 puntos, 12 rebounds, anim na assists, at dalawang steals habang si David ay may 11 puntos, limang rebounds, at dalawang assists at si Fornilos ang tumapos na topscorer sa ipinosteg 22 puntos at 11 rebounds.

Kinumpleto naman ng Mapua Malayan Science High School ang ‘rematch’ sa nakalipas na season championship nang pataubin ang San Beda,75-67, sa hiwalay na rubber match.

Nagpamalas ng kanyang best game ang versatile forward na si Paolo Hernandez matapos magposte ng career-high 27 puntos bukod pa sa 10 rebounds at 2 steals kasunod si rookie standout Jonnel Policarpio na may 25puntos at 13 rebounds.

“Talagang nangako yung mga bata na babawi sila after yung loss namin,” pahayag ni coach Randy Alcantara na tinutukoy ang naging kabiguan sa Final Four opener noong Biyernes.

“It’s all about heart. Mas gusto namin kasi ayaw namin maulit yung first game,” aniya.

Nanguna naman sa Red Cubs si Kai Oliva na may 16 puntos.