Bilang ng aktibistang pinapatay, dumarami
PARIS (AFP) – Mahigit 150 rights campaigners mula sa buong mundo ang nagtipon sa Paris nitong Lunes, nagbabala ng pagtaas ng bilang ng mga aktibista mula Brazil hanggang Pilipinas na pinapatay dahil sa kanilang trabaho.
Sinabi ng mga grupong nasa likod ng Human Rights World Summit, kabilang ang Amnesty International at International Federation for Human Rights, na 312 aktibista ang pinaslang noong 2017.
Kinakatawan nito ang pagdoble sa pagpatay simula 2015, sinabi nila sa isang pahayag sa simula ng tatlong araw na pagpupulong s a Paris, na tinitipon ang iba pang aktibista mula sa 105 bansa.
‘’In nearly all cases those responsible have acted with total impunity,’’ dagdag sa pahayag.
Sinabi ni Andrew Anderson, pinuno ng Front Line Defenders, Dublin-based group na naglalayong protektahan ang mga aktibista, na ang bilang para sa 2018 ay nakatakdang magiging mas mataas pa rin.
‘’In the countries where the largest number of human rights defenders are being killed -- Mexico, Colombia, Brazil, the Philippines, Guatemala, Honduras -- we can see that the numbers are already higher than they were last year,’’ idinugtong niya.
‘’The level of threat and risk that these courageous human rights defenders face is quite horrendous.’’
Nilalayon ng kumperensiya na makabuo ng ugnayan ng mga aktibista para makadebelop ng mga istratehiya sa paglaban sa paniniil at diskriminasyon sa susunod na dalawang dekada.
Ilan sa mga aktibista ay nakipagpulong kay French President Emmanuel Macron kinagabihan ng Lunes sa Elysee Palace.
Kabilang sa mga dumalo sina Matthew Caruana Galizia, Pulitzer Prizewinning reporter na ang inang si Daphne, Maltese journalist at anti-corruption activist, ay pinaslang isang taon na ang nakalipas.
Nakikibahagi rin sa conference si Anielle Franco, na ang kapatid na si Marielle, isang Brazilian black rights activist, ay pinaslang nitong Marso.