Magpa-gas, makakuha ng premyo sa Caltex

BILANG pakikiisa sa bayang motorista na inaasahang dadagsa sa mga kalsadahan para gunitaon ang kanilang mga mahal sa buhay sa Araw ng Undas, ilalarga ngayon ng Caltex, pinangangasiwaan ng Chevron Philippines Inc. (CPI), ang Caltex Ka-Roadtrip Motorists Assistance Program sa mga Caltex stations sa kahabaan ng mga pangunahing highway sa Northern at Southern Luzon.

Bukod sa pamimigay ng gabay para sa ligtas na biyahe, mabibigyan din ng pagkakataon ang mga motorista na makakuha ng mga regalo at produkto sa sandaling magpakarga ng gasolina sa Caltex SLEX Mamplasan, Caltex SLEX San Pedro, at Caltex NLEX San Fernando.

Para sa magbabarkada at pamilya na bibiyahe para sa long weekend vacation, may tsansa silang manalo sa Liter Lottery promo na magsiimula ngayon hanggang Nobyembre 4.

May nakalaan na P10 kada isang litro na diskwento ang mapagwawagihan sa naturang promosyon ng tatlong retail outlet. May pagkakataon naman ang mga may-ari ng sasakyangToyota na makakuha ng karagdagang ayuda.

Sa mga motoristang magpapakarga ng gas sa Caltex SLEX Mamplasan sa Nobyembre 1 at Caltex SLEX San Pedro sa Nobyembre 4, naghihintay ang ispesyal na regalo mula sa GMA’s Bantay Byahe Program.

Mula nang ilunsad ang Caltex Ka-Roadtrip Motorists Assistance Program noong 2013, naglalaan ng tulong ang kompanya para sa mga motorista sa Araw ng Undas, Mahal ang Araw at Kapaskuhan.

Para sa dagdag na impormasyon, bisitahin ang pinakamalapit na Caltex station gamit ang Caltex Locator app na mado-download sa Google Play at App Store. Bisitahin din ang http://caltex.com/ph.