‘Last Meal’ ng mga binitay ginamit na menu
Sentro kamakailan ng atensyon ang Ningen, isang Japanese pop-up restaurant sa Shinjuku district sa Tokyo, para sa pagbibigay ng pagkakataon sa mga parokyano nito na matikman ang mga ‘last meals’ na hiniling ng mga ‘infamous death row inmates’ bago ang pagbitay sa kanila.
Isang Japanese art collective na tinatawag na Chim↑Pom ang nasa likod ng kontrobersiyal na kainan at sa loob ng dalawang linggo kasama sa mga menu nila ang mga last meals ng mga Amerikanong criminal tulad ng armed robber at double-murderer nasi Gary Mark Gilmore, Judy Buonoano, Florida’s “Black Widow”, o ang real-life killer clown nasi John Wayne Gacy.
Bahagi ng menu ang steak, potatoes, milk, coffee at shots ng whisky na hiling ni Gary Mark Gilmore, ang two cheeseburgers na may kasamang fries at ang salad with Thousand Island dressing na inorder ng death row inmate nasi Joseph Paul Jernigan, o maging ang steamed vegetables at fresh strawberries na request ng murderer nasi Judy Buonoano bago ang ginawang pagbitay sa kanya.
Dalawang linggo lamang nagbukas ang Ningen restaurant, at masuwerteng hindi ito nakatanggap ng katulad na kritisismong inabot ng ibang kainan na gumamit ng katulad na konsepto. Halimbawa, ang Death Row Dinners noong 2014 sa London, na nagse-served ng five-course meal base sa huling kahilingan ng mga death row inmates, na napilitang magsara matapos lamang ang isang araw dahil sa “serious threatening behavior”.