Demi Lovato, lumabas na sa rehab
MATAPOS makumpleto ang tatlongbuwang drug treatment program, lumabas na ng rehab ang singer na si Demi Lovato, ulat ng Cover Media. Kinailangang pumasok sa rehab ng Confident hitmaker matapos siyang makaranas ng near-fatal drug overdose sa kanyang bahay sa Hollywood Hills noong Hulyo, at kamakailan nga ay inamin ng kanyang ina na 90 days nang sober ang 26-anyos na singer.
Ngayon, unti-unti nang nagbabalik sa kanyang social life si Demi. Nitong Sabado, kasama niyang lumabas para sa isang dinner ang fashion designer na si Henry Levy, sa isang sushi restaurant Matsuhisa sa Beverly Hills.
Sa ulat ng TMZ.com, mapapansing masaya at healthy ang singer. Sampung araw na naospital ang Heart Attack star noong Hulyo 24, bago siya pumasok sa isang drug facility sa East Coast ng America. Napabalitang lumipat siya sa panibagong rehabilitation centre nitong summer.
Isinapubliko ni Demi ang kanyang mga pinagdaanan sa alcohol at drugs, depression, eating disorders, at selfharming. Hunyo ngayong taon nang inamin ng Camp Rock star ang kanyang pinagdadaanan sa pamamagitan ng kanyang single na Sober.
At pagsapit ng Agosto, matapos niyang kanselahin ang natitirang shows sa kanyang world tour para sa kanyang recovery, naglabas ng pahayag ang American singeractress sa pamamagitan ng social media, kung saan niya ipinangako “[to] keep fighting” kasama ng pasasalamat sa kanyang pamilya, mga kaibigan, fans at mga medical staff.
“The love you have all shown me will never be forgotten and I look forward to the day where I can say I came out on the other side,” sabi ni Demi. “I will keep fighting.”