PH wrestlers, tumiba sa SEA Championship
PINATUNAYAN ng Go For Gold Philippines Wrestling team na kayang makipagsabayan sa matitikas na karibal sa rehiyon sa napagwagihang anim na gintong medalya sa katatapos na Southeast Asian Senior Wrestling Championships sa Dalubhasaan Lungsod ng San Pablo in Laguna.
Hataw sina veteran grapplers Margarito Angana at Michael Vijay Catersa kani-kanilang weight classes ng Greco Roman even, gayundin si Noel Norada sa torneo na nagtampok sa 11 bansa sa SEA region.
Ginapi ni Angana, two-time SEA Games gold medalist, si Plyabut Wiratul ng Thailand sa men’s 60kg, habang nanaig si Cater sa 55kg cvlass kontra Thai Nattawut Keawkhanchum.
Bumida naman si Norada kontra Vietnam’s Pham Van Co.
Namayagpag si Luke Cruz sa 25kg category sa men’s freestyle nang pabagsakin si Dimas Septo Anueraha ng Indonesia, habang nakisosyo sa tagumpay sina women freestyle gold medalists Minalyn Foy-os (57kg) at Noemi Tener (68kg).
“We’re very proud our wrestlers. We believe that with our support, they can win more gold medals for the country,” pahayag ni Go For Gold Philippines godfather Jeremy Go.
Kinapos naman si Jason Balabal, isa ring two-time SEA Games gold medalist, laban sa Indonesian sa men’s 87kg Greco Roman, habang naunsiyami si Jefferson Manatad kay Supriono ng Indonesia sa 77kg.
Nakasungkit din ng ilver medal sina Ronil Tubog (61kg) at Francis Villanueva (97kg), gayundin ang lady freestyle wrestlers Grace Loberanes (50kg), Kristine Jambora (53kg), Shelly Avalino (62kg) at Sweet Berry Perez (72kg).
Sa pagtataguyod ng Go For Gold Philippines, nakakolekta din ang Filipino grapplers ng walong silver at 13 bronze medals.
Nakopo ng Vietnam ang overall championship sa napagwagihang 12 golds, 11 silver at siyam na bronze.
Tumapos naman sa bronze sina Greco Roman specialists Jonathan Maquilan (63kg), Exel Tubog (67kg), Jason Baucas (72kg), Ronaldo Salon (97kg) , Smael Trazona (130kg), Alvin Lobreguito (57kg), Jhonny Morte (61kg), Joseph Angana (65kg), Jossel Canolas (65kg), Anthony Pajaron (70kg) at Royce Tiu (86kg).