Orcollo, sasargo sa Pacquiao 40th birthday 10-Ball tilt
PANGUNGUNAHAN ni dating World Champion Dennis Orcollo ang mga kalahok sa pagsargo ng Senator Emmanuel D. Pacquiao 40th Birthday 10-Ball Tournament sa Disyembre 5-16 sa Verenza Mall sa General Santos City.
Liyamado ang 39-anyos na si Orcollo, tinanghal na world champion noong 2011 matapos gibain si Dutch Niels Feijen sa WPA World Eight-ball Championship.
Host ng nasabing event si Senator at eight-division world champion Manny Pacquiao na kaalinsabay ng pagdaraos ng kanyang 40th birthday celebration. Nakalaan ang kabuuang P700,000 papremyo sa doubles competition, habang ang top prize na P500,000 ang maiuuwi naman ng magkakampeon sa singles competition ayon kay tournament organizer Elman “Aries” Sacayanan.
Ang iba pang pool masters na matutunghayan sa nasabing event ay sina defending champion Jerico Banares, Carlo Biado, Lee Vann Corteza, Johann Chua, Jeffrey Ignacio, Warren Kiamco, Antonio Oacan Gabica, Michael Feliciano, Raymund Faraon, Oliver Bingcoy Medenilla, Demosthenes “PlongPlong” Pulpul , Val Pajuay, Jonas Magpantay, Elvis Calasang, John Rebong, Rodrigo Geronimo, Patrick Gonzales at Eric E. Bayhon.
Ang registration fee sa singles competition ay P3,000, habang sa doubles competition naman ay P6,000.
Sa detalye, makipag-ugnayan kay tournament organizer Elman “Aries” Sacayanan sa kanyang mobile number: 0915-570-1228 para sa karagdagang detalye.