PNP kailangang makaagapay sa teknolohiya

Kinakailangang makabisado ng Philippine National Police (PNP) ang makabagong teknolohiya at iba pang modernisasyon sa mundo upang makasabay ito pagpapatupad ng batas at domestic security sa iba’t ibang bansa.

Ito ang ipinunto kahapon ni PNP Chief Director General Oscar Albayalde matapos siyang dumalo sa 87th International Criminal Police Organization (ICPO-Interpol) General Assembly na idinaos sa Dubai, United Arab Emirates (UAE), nitong Nobyembre 18-21.

Bukod kay Albayalde, kasama rin sa delagasyon ng Pilipinas ang mga kinatawan ng Philippine Drug Enforcement Agency (PDEA) at ng Philippine Center on Transnational Crime (PCTC).

Aniya, tinalakay sa pagpupulong ang mga may kinalaman sa bagong dimensions of crime na gagamitin sa terorismo, drug trafficking at iba pang anyo ng transnational criminal activities sa pamamagitan ng tinatawag na “dark net and underground economy”.

“I share the observation of Interpol Secretary General Jeurgen Stock that police needed (sic) to embrace technology and innovation to stay a step ahead of sophisticated cyber criminals,” ani Albayalde.

Sa kasalukuyang sitwasyon ng bansa, ayon sa kanya, patuloy na pinapaangat ng Pilipinas ang kakayahan nito sa pamamagitan ng pagpapalawak ng mga pasilidad nito na dinagdagan pa ng pagbili ng equipme

Agosto ngayong taon nang bumili ang PNP ng P2.156-bilyon halaga ng equipment alinsunod na rin sa ipinatutupad na Capability Enhancement Program (CEP) upang palakasin pa ang operational, intelligence at administrative functions ng PNP.