‘Married man’ Justin Bieber gustong gayahin si Jesus
MINARKAHAN ni Justin Bieber ang kanyang unang Thanksgiving bilang isang married man sa pagsasabing, “love isn’t always easy”, at idinagdag na sinusubukan niyang maging kagaya ni Jesus Christ, “to be more patient and selfless”.
Sinabi ng Canadian pop singer, 24, na nagpakasal sa modelong si Hailey Baldwin sa isang civil ceremony noong Setyembre, sa 102 milyong Instagram followers niya nitong Huwebes, Thanksgiving holiday sa Amerika, na ito ang unang pagkakataon na naghost siya ng nasabing pagdiriwang.
“First thanksgiving as a married man, first time hosting thanksgiving,” post ni Justin nitong
Biyernes.
“Relationships are hard and love isn’t always easy but thank you Jesus for showing me how! Every day is a learning process, trying to be more like him, patient, kind, selfless, boy I got a long way! But god’s grace is sufficient!” dagdag pa niya.
Sabay na dumalo sina Justin at Hailey sa evangelical Hillsong Church, na itinatag sa Australia noong 1983 at ngayon ay may mga sangay na sa buong mundo at malaking bilang ng kabataan ang sumusunod sa mga prinsipyo nito. Matatandaang kinumpirma ni Justin sa social media noong nakaraang linggo ang kanyang pagpapakasal kay Hailey, nang tawagin ng Sorry singer ang modelo na “my wife” at nang palitan ni Hailey ang kanyang pangalan sa Instagram bilang
Hailey Bieber. Nitong Huwebes din ang ika-22 kaarawan ni
Hailey Bieber.