Chinese experts para sa Davao City Expressway project

Magpapadala ang China ng ilang grupo ng mga eksperto sa Pilipinas upang magsagawa ng pagaaral para sa proyektong Davao City Expressway, na kasama sa nilagdaang kasunduan sa pagitan ng dalawang bansa, kamakailan.

Pagkakalooban ng tax exemption, seguridad at proteksiyon ng pamahalaan ang mga Chinese personnel at ang kanilang mga gamita sa pagtatrabaho nila sa bansa.

Kabilang ito sa guidelines na nakalista sa “Implementation Agreement of the Feasibility Project for the Davao City Expressway Project”, na nilagdaan ng Pilipinas at China nitong nakaraang linggo. Ang 12 buwang feasibility study para sa mungkahing 26-kilometer expressway sa bayan ni Pangulong Duterte, na nagkakahalaga ng RMB 25,830,000.

Sa ilalim ng kasunduan, magsasagawa ang mga Chinese experts ng on-site investigation, data collection, engineering area mapping, geological survey, geological exploration, hydrological survey, at iba pa. Kasama rin ang isang thematic report hinggil sa environmental impact assessment, social impact assessment, earthquake disaster assessment, hydrology at engineering geological survey.

Itinalaga ang China Agency for International Economic Cooperation of Ministry of Commerce (AIEC) sa pag-iimplementa at pakikipaguganayan sa proyekto. Habang ang CCCC Highway Consultants Co. Ltd ang napiling Chinese project implementation company.

Nakasaad din sa kasunduan na responsibilidad ng Pilipinas, kabilang ang exemption sa mga import at export duties at iba pang buwis para sa mga kagamitan at materyales ng mga Chinese engineers at technicians para sa pag-aaral.

Magsusumite rin ang bansa ng pag-aaral at mga survey na isinagawa na makatutulong at susuporta sa China-led feasibility study.

Nasa responsibilidad din ng Pilipinas ang environmental permit procedures na kailangan sa pagsasagawa ng geological survey.

Inaasahan namang sa loob ng isang buwan matapos ang pag-aaral ng China, magsusumite ito sa Pilipinas ng ulat para sa review at kumpirmasyon ng bansa.