R7-M droga nasamsam, 16,300 arestado

Nasa P7 milyong halaga ng ilegal na droga at daan-daang armas ang nasamsam habang mahigit 16,000 ordinance viola tors, 200 drug suspects, at 100 wanted persons ang inaresto ng Quezon City police sa mahigit isang linggong simultaneous anti-criminality operations sa lungsod.

Ayon kay Quezon City Police District director, Chief Superintendent Joselito Esquivel, Jr., nasa kabuuang 211 illegal drug suspects, 101 wanted, at 16,652 ordinance violators ang inaresto sa pagpapatupad ng simultaneous anti-criminality and law enforcement operations (SACLEO) sa Quezon City sa loob ng 9 na araw.

Ayon kay Esquivel, ipinakalat ang operational and administrative personnel ng District Headquarters (DHQ), District Mobile Force Battalion (DMFB) at 12 nitong police stations simula Nobyembre 19 hanggang 28.

Sa nasabing panahon, nagsagawa ng 106 na anti-illegal drug operations at naaresto ang 211 suspects, at namatay ang walong drug personalities sa apat na magkakahiwalay na engkuwentro.

Nasamsam sa operasyon ang mahigit isang kilo ng shabu, na nagkakahalaga ng P7,196,250; 500 gramo ng pinatuyong dahon ng marijuana, P67,000; at walong armas.

Isinagawa rin ang isang one-stopshop processing area police stations kung saan idiniretso ang 16,652 city ordinance violators.

Sa mga ordinance violators, anim ang may nakabimbin na warrants of arrest; 12,333 ang binalaan; 944 ang pinagmulta; 3,375 ang kinasuhan; habang 1,209 ang ni-lecturan sa iba’t ibang ordinansa, lalo na ang madalas labagin.

Inaresto rin ang 101 wanted dahil sa iba’t ibang paglabag.