Azealia Banks tinudyo si Iggy Azalea dahil sa detox tea ads
KINUTYA ng Kontrobersyal na si Azealia Banks ang kanyang rap rival na si Iggy Azalea online, at sinabi maaaring “broke” na ang huli dahil kinailangan na nitong i-promote ang isang detox tea sa social media, ayon
sa Cover Media.
Ang Fancy hitmaker ang pinakabagong celebrity na nag-advertise ng meal replacement shakes mula sa Flat Tummy Co., at nag-post ito sa kanyang Instagram at Twitter pages nitong Lunes, upang ipakita ang kanyang figure suot ang sports bra at sweat pants.
“Y’all can’t even hate on it,” panimula niya sa caption. “@flattummyco’s meal replacement shakes have gotten me more definition in my tummy without losing my a**, and they’re 20% off RIGHT NOW.”
Nakuha ng post ng Australian star ang atensiyon ni Azealia, na talaga namang kinutya at pinagtawanan si Iggy dahil naging kinatawan ito ng isang diet product, na ineendorso rin nina
Khloe at Kim Kardashian.
“Awww, Iggy is Broke (sic),” post ni Azealia sa screenshot ng Twitter post ni Iggy, na ipinost naman niya sa kanyang Instagram Story timeline. “I remember when I had to do flat tummy tea ads for a little weave money. Those were rough times. And she had the nerve to make fun of my soap. Yikes.”
Kamakailan ay binatikos ni Iggy si Azealia dahil sa pagpo-promote ng kanyang Cheapy XO soap brand sa social media.
“Never hating on a girls hustle, but I predict she will be moving back in with her parents in Australia soon,” aniya. “I can throw you a bone and pay you to promote the Kangaroo Jane shampoo bar if you are interested,” buwelta naman ng 212 rapper kay Iggy.
Wala pang sagot si Iggy pinakabagong online attack ni Azealia, ngunit mukhang hindi isusuko ng busty blonde ang kanyang music anytime soon – kamakailan lang ay pumirma siya ng bagong $2.7 million (£2.1 million) record deal sa mga boss ng hip-hop label na Empire.