Bagong halaman ipinangalan sa Pinoy
Isang bagong uri ng halaman na sa Pilipinas lamang matatagpuan ang ipinangalan sa Filipino biodiversity expert na si Dr. Theresa Mundita Lim.
Ang Medinilla theresae ay ang bagong edaphic-endemic species na matatagpuan lamang sa Dinagat Island at Davao Oriental.
Ipinangalan ito kay Lim, nagtatrabaho bilang Executive Director ng Los Baños-based ASEAN Centre for Biodiversity. Siya ay dating Director ng Philippines’ Department of Environment and Natural Resources-Biodiversity Management Bureau.
Ang terrestrial, erect, cauliflorous shrub ay matatagpusan sa ultramafic soils, at umaabot sa taas na hanggang 1.5 metro.
Ang species na ito nabatid na kasalukuyang makikita sa Mt. Redondo, Dinagat Island, at sa Mt. Hamiguitan, Davao Oriental.
Ang kilalang taxonomists, professors, at researchers mula sa University of the Philippines na sina Dr. Edwino Fernando, Dr. Perry Ong, Dr. Peter Quakenbush, at Dr. Edgardo Lillo ang nakadiskubre sa bagong shrub species.
“I am truly honored and grateful for this recognition. I would also like to take this opportunity to thank our taxonomists, scientists, and researchers who continue their hard work in discovering new species. I believe that taxonomy is a vital step in conservation simply because you cannot conserve what you do not know,” ani Lim.
Ayon sa United Nations Convention on Biological Diversity, mayroong mahigit 30 milyong species sa buong mundo, ngunit halos 1.78 milyong species pa lamang ng hayop, halaman, at microorganisms ang natutukoy ng taxonomists sa loob ng 250 taong pananaliksik.