Basura, kailan ibabalik sa South Korea?

Iginiit ng environmental group na EcoWaste Coalition sa South Korean Embassy na magbigay ng eksaktong petsa kung kailan ibibiyahe pabalik sa kanilang bansa ang 6,500 toneladang basura na dinala sa Pilipinas.

Sa pamamagitan ng e-mail, hiniling ng EcoWaste Coalition kay Ambassador Han Dong-man na kumpirmahin kung kailan aalisin ang shipments ng mga basura mula sa Misamis Oriental.

Idiniin ng grupo na dapat itong mangyari “before Christmas Day’’.

Nauna rito ay tiniyak ng South

Korean Embassy sa mga lokal na awtoridad na gagawa ito ng mga hakbang para maibalik sa Korea ang mga basura sa lalong madaling panahon.

“Almost one month has passed since South Korean authorities promised to return the illegal wastes as soon as possible,” reklamo ni Aileen Lucero, National Coordinator ng EcoWaste Coalition.

“Our exasperating experience with the illegal trash imports from Canada, which are still stranded in our country, has taught us how important it is to have a defined

date. That’s why we want the South Korean government to give us a 2018 return date and keep its promise for expedited action.”

Samantala, kinumpirma ni Bureau of Customs (BoC) Region X Port Collector John Simon sa EcoWaste Coalition na ang basura “is now ready for pick-up and repatriation back to Korea.”

Nitong Disyembre 6, nag-isyu ang BoC ng “Re-Exportation Order” para sa basura na inilarawan nitong “misdeclared, heterogenous and injurious to public health.”