Senior citizens, ilibre sa buwis sa bank deposits
Ipinanunukala ni MAGDALO partylist Rep. Gary Alejano na huwag nang buwisan ang bank deposits ng senior citizens mula sa 20 percent withholding tax na kita sa interes upang mabigyan sila ng dagdag na kaginhawaan.
Binanggit na pinagkakalooban ng Republic Act 7432, o Senior Citizens Act, at ang Republic Act 9257, o ang Expanded Senior Citizens Act of 2003, ng mga benepisyo at mga espesyal na prebilehiyo ang matatanda bilang pagkilala sa kanilang mahahalagang naiambag bilang mga mamamayan ng
bansa.
“Relevant to the objectives of this Act are the provisions on the exemption of senior citizens from the payment of individual income taxes, provided that their taxable income does not exceed the poverty level prescribed by the National Economic Development Authority (NEDA) for the present year,” ani Alejano.
“There is, however, no express provision to exempt the elderly from the 20 percent interest income from bank deposits as mandated by the National Internal Revenue Code,” aniya.
Giit ni Alejano, napakalaking halaga na ng 20% withholding tax kung ibabawas sa napakaliit na kikitain ng senior citizens.
Naghain ang mambabatas ng oposisyon ng House Bill 8490 na naglalayong amyendahan ang RA 7432.
Isinasaad sa panukala na i-exempt sa 20% withholding tax sa interest income mula sa bank deposits ang senior citizens, basta’t hindi lalagpas ang tax exemption sa pagbayad ng withholding tax sa P600,000.