‘Stand for Truth’ ng GMA, showing na sa YouTube

MAY dapat na namang abangan mula sa GMA News and Public Affairs, dahil nakatanggap ang most internationally-awarded broadcast news organization sa bansa ng innovation funding grant mula sa leading online video platform na YouTube.

Partikular na gagamitin ang nasabing grant para sa weeknight news program, ang Stand for Truth, powered by GMA’s Digital Video Lab.

Ang nasabing newscast, na mapapanood sa YouTube ay magtataglay ng mga elementong hindi pa kailan man nagamit sa traditional

GMA newscasts.

Pangungunahan ito ng mga nakababatang tagapagbalita, kasama ang mga bagong mamamahayag mula sa iba’t ibang panig ng bansa.

Tampok din sa Stand for Truth ang mga napapanahong musika, latest sa mobile journalism, at online storytelling tools. Ihahatid sa tulong ng GMA Digital Video Lab, magsisimulang mapanood ang Stand for Truth isang buwan bago ang elections sa Mayo 13, 2019.

Layunin din ng Stand for Truth na sanayin ang mga batang mamamahayag na ipagpatuloy ang mataas na kalidad ng pagbabalita mula sa GMA News and Public Affairs, at matulungang maipaunawa sa young viewers ang mahahalagang isyung panlipunan.

Kasama ni GMA Network First Vice President for Public Affairs Nessa Valdellon sa pagbuo ng konsepto ng Stand for Truth

sina Assistant Vice President for Public Affairs Jaileen Jimeno at Senior Program Manager Nowell Cuanang.

Ang GMA Digital Video Lab naman ay mula sa ideya ni GMA News Online Editor-inChief Jaemark Tordecilla.