Oscars journey ng ‘Signal Rock’, natapos na
HINDI nakalusot ang pelikulang
Signal Rock, ang official entry sa Pista Ng Pelikulang Pilipino (PPP) 2018 sa “shortlists in consideration” para sa nalalapit na Oscars.
Sa pinakabagong pahayag ng Academy of Motion Picture Arts and Sciences sa kanilang official website, hindi na mababasa ang titulo ng pelikulang Pinoy sa siyam na kategorya na Documentary Feature, Documentary Short Subject, Foreign Language Film, Makeup and Hairstyling, Music (Original Score), Music (Original Song), Animated Short Film, Live Action Short Film, at Visual Effects.
Ilang buwan na ang nakalipas nang kumpirmahin ng Regal Entertainment sa kanilang official Facebook page na ang pelikulang ito ni Chito Roño ang opisyal na pambato ng Pilipinas sa Foreign Language Film category ng 2019 Academy Awards.
Ang Signal Rock ay tungkol kay Intoy, ang carefree no-hoper na
nakatira sa isang maliit na bayan, na biglang pinatawag para tulungan ang kapatid niyang nakatira sa Finland na mapanalunan ang isang child custody battle. Ang pelikula ay kinunan sa Biri, Samar.
Kabilang sa cast sina Christian Bables, Elora Españo, Mara Lopez, Francis Magundayao, at ang mga
beteranong aktor na sina Menggie Cobarrubias, Joel Saracho, Daria Ramirez, Arnold Reyes, Nanding Josef, Archie Adamos, Sue Prado, JayR Versales, Keana Reeves, Julia Chua, Kokoy De Santos, Jomari Angeles, Ruby Ruiz, Mon Confiado, Ces Quesada, Lee O’Brian, Dido Dela Paz, at marami pang iba.