Cancer-killing treatment, aprubado sa Australia
NAAPRUBAHAN sa Australia ang isang “revolutionary” cancer drug “that supercharges immune cells to hunt and kill cancer cells” para gamitin ng tao.
Inanunsiyo kamakailan ng Therapeutic Goods Administration (TGA) na naaprubahan ang CAR-T therapy para gamitin sa pediatric at kabataan na mayroong B-cell precursor acute lymphoblastic leukemia (ALL) at matatanda na may diffuse large B cell lymphoma (DLBCL).
Sinasanay ng CAR-T therapy ang immune cells para labanan at patayin ang cancer cells sa pamamagitan ng unang pag-alis sa mga ito sa katawan ng pasayente, “to genetically re-engineer them” bago ulit ibalik sa katawan ng pasyente.
Bago maapruahan ng TGA ang treatment, iba’t ibang bansa na ang pinuntahan ng mga pasyenteng may agresibong blood cancers para magpagamot.
Pumunta si Daniel Clarke, 45, kasama ang kanyang pamilya sa United States para tumanggap ng CAR-T treatment para sa kanyang DLBCL. Sa loob ng isang buwan, gumaling na ng kanyang cancer.
“I felt like someone had just handed my life back to me,” sabi ni Daniel sa Fairfax Media.
“It has all happened so quickly. Late September, we (went to Boston) not knowing what to expect, hoping for the best, fearing the worst. Then, come November, I was in complete remission.”
Ang may-ari ng therapy ay ang global pharmaceutical giant na Novartis at tinaasan na nito ang produksyon ng naturang gamutan para makasabay sa global demand.
“We are focused on ramping up capacity at our US and Switzerland facilities and we recently announced a collaboration agreement for additional manufacturing capacity with Fraunhofer (Germany) and CellforCure (France),” lahad ng kanilang kinatawan na si Lauren Carey.
“These additional manufacturing facilities are intended to support production on a global scale.”
Gayunman, ang CAR-T therapy ay hindi kinikilala bilang “drug” kaya hindi ito sakop ng Pharmaceutical Benefits Scheme.
Gumagastos ang mga pasyenteng sumasailalim sa naturang gamutan sa Australia ng hanggang 598,000 Australian dollars. Nangako naman si Greg Hunt, Minister for Health ng Australia na gawing subsidiary ang treatment sa lalong madaling panahon.