20 pasyente tumakas sa Ebola holding centre
BENI (AFP) – Tumakas ang mga pasyenteng mino-monitor bilang posibleng Ebola patients sa kampo sa silangan ng DR Congo nitong Huwebes matapos itong atakehin ng mga demonstrador na nagpoprotesta sa pagkakaantala ng eleksiyon sa bansa, sinabi ng health ministry.
Tinatayang 20 pasyente ang tumakas sa centre nang mangyari ang insidente, sa isang holding centre sa Beni region, ang sentro ng huling outbreak ng nakahahawa at nakamamatay na sakit.
Nangyari ito kasunod ng mga anunsiyo na muling ipinagpaliban ang nakatakdang halalan sa rehiyon sa Linggo dahil sa kaguluhan at sa Ebola outbreak.
Tatlong tents ang ni-ransack sa site, na pinatatakbo ng Doctors Without Borders (MSF). Guwardiyado na ng mga pulis ang lugar matapos ang insidente.
“Of 24 patients, 17 had tested negative (for Ebola) once. They had to be tested a second time before being discharged,” sinabi ng health ministry spokeswoman. “Four of them went home. Three other suspected cases were in too serious a case to flee.”
Ngunit ilan sa mga demonstrador ay nagtungo sa contaminated zones ng kampo, ayon sa isang aid worker.
“The demonstrators wanted to attack the transit centre” at sunugin ang ilan sa mga tent, ayon sa health ministry.
Nagdeklara ang Kigali ng Ebola epidemic noong Agosto 2018 at 356 katao na ang namatay sa sakit. Itinaas nito ang mga pangamba na maaaring kumalat ang sakit sa iba pang mga bayan sa rehiyon, tulad ng Goma at Kisangani at maging sa katabing bansang Uganda.