Coco at ‘Kinatay’, pang-Oscars –Paulo Coelho

DAIG PA ANG NANALO NG ACTING AWARD

ANG daming natuwa para kay Coco Martin sa tweet ng internationally acclaimed Brazillian author na si Paulo Coelho na pumupuri sa isa sa mga unang pelikula ng aktor, ang Kinatay.

“One of the most disturbing movies I watched in 2018 - great screenplay, director, actors. A Filipino movie that, if it was directed by (Quentin) Tarantino, would be shortlisted for the Oscar," tweet ni Coelho.

Ang tinutukoy na Filipino film ni Coelho ay ang Kinatay, na pinagbidahan ni Coco, directed by Brillante Mendoza, at isinulat ni Armando Lao. Taong 2009 pa ipinalabas ang nasabing pelikula, pero batay sa tweet ni Coelho ay ngayong taon lang niya ito napanood.

Kasama sa tweet ni Coelho ang poster ng movie na photo lang ang nakalagay. At sa tuwa ni Coco, ipin niya sa Instagram ang nasabing tweet ng Brazilian author.

Tuwang-tuwa ang mga kaibigan ng aktor para sa kanya, dahil sa pag-recognize ni Coelho sa husay niyang umarte.

Para na ngang nanalo ng acting award sa 2018 Metro Manila Film Festival (MMFF) si Coco sa rami ng comment sa nasabing post niya.

Ilan sa nag-react at natuwa para kay Coco sina Alex de Rossi, Jake Cuenca, Jerald Napoles, Agot Isidro, Bing Loyzaga, Kylie Versoza, Yassi Pressman, at Charlene Gonzales-Muhlach.

Mababasa rin sa Twitter ni Coelho ang reaction ni Director Brillante sa tweet ng author: “Oh and btw, Quintin Tarantino wrote me a letter congratulating me after I won the best director award in #cannesfilmfest.” Sumagot kay direk Brillante si Coelho: “You deserved. Congrats @brillante_ma! I am getting all your work.”

Muling sumagot si Direk Brillante: “Thank you for the compliments Paulo...”

Ilan sa isinulat na libro ni Coelho ang The Alchemist, Eleven Minutes, Adultery, The Pilgrimage, The Fifth Mountain, Aleph, The Zahir, at ang favorite naming Veronica Decides to Die.