Is 60:1-6 ● Slm 72 ● Ef 3:2-3a, 5-6 ● Mt 2:1-12

Pagkapanganak kay Jesus sa Betlehem sa Judea, sa panahon ni Haring Herodes,dumatingsaJerusalemangilang pantas mula sa Silangan. Nagtanong sila: “Nasaan ang bagong silang na hari ng mga Judio? Nakita namin ang pagsikat ng kanyang tala sa Silangan at naparito kami para sambahin siya.”…

At sinabi nila: “Sa Betlehem ng Juda sapagkat ito ang isinulat ng Propeta: ‘At ikaw, Betlehem, sa lupain ng Juda, hindi ikaw ang pinakaaba sa mga angkan ng Juda, sapagkat sa iyo magmumula ang isang pinuno: siya ang magiging pastol ng aking bayang Israel.’ ”

Kaya lihim na tinawag ni Herodes ang mga pantas at hiningi sa kanila ang mga impormasyon tungkol sa sumikat na tala. At saka niya sila pinapunta sa Betlehem at sinabi: “Pumunta kayo at alamin ang tungkol sa bata. Pagkakita ninyo sa kanya, bumalik kayo sa akin para makapunta rin ako sa kanya at makasamba.”

‘Ang Pagpapakita ng Panginoon’

Ang pagsilang kay Jesus ay siya ding Pagpapakita (sa Griyego: epiphaneia) ng Diyosnanagingtao.Tayoba’ynaniniwala na ang Anak ng Diyos, si Jesus, ay nagkatawang tao?

Ayon sa isang Kristiyanong Pilosopo na si Blaise Paschal: “May tatlong uri lamang ng mga tao: (1) yaong nakatagpo sa Diyos at naglilingkod sa kanya; (2) yaong hindi pa natatagpuan ang Diyos at naghahanap sa kanya, (3) at yaong mga namumuhay na hindi naghahanap sa kanya. Ang una ay makatuwiran at masaya; ang ikalawa ay malungkot at nakapangangatwiran, at ang ikatlo ay hangal at malungkot.”