Racasa, nagreyna sa 12-under sa Visayas leg
NASIKWAT ni country’s youngest Woman Fide Master (WFM) Antonella Berthe “Tonelle” Murillo Racasa ang pinakamataas na puwesto sa girls 12 and under category sa Visayas leg ng 2019 National Age Group Chess Championships nitong Sabado sa SM Seaside Cebu.
Ang 11-year-old Mandaluyong City bet Racasa na suportado ang kanyang kampanya dito nina Past President of Rotary Club of Pasig engineer Rogelio Lim of Boni Tower at Hotel Sogo, ay giniba ang lahat na nakatungali sapat para ibulsa ang cash prize P3,000, plus a medal, certificate at grandfinals slot matapos madomina ang girls 12 and under category.
Tinalo ni top seed Racasa si Aeralyn Sinining sa 30 moves ng Yugoslav attack ng Sicilian skirmish sa seventh at final round para tumapos na undefeated na may perfect seven wins.
Kabilang sa mga dinaig ni Racasa ay sina 17th seed Jesly Ana Tatoy sa first round, 8th seed Hannah Lynne JumaoAs sa second round,4th seed Kimberly Colaste sa third round, 2nd seed Ruelle Canino sa fourth round, 7th seed Arleah Cassandra Sapuan sa fifth round at Lyn Getubig sa sixth at penultimate round.
Namayagpag naman si Samantha Babol Umayanng Davao City ng makopo ang titulo ng girls 14 and under category.
Ang student ng Far Eastern University sa Manila na si Umayan ay consistent participant sa age group qualifying tournament na nakapag marka ng 5.5 points sa seven outings.
Nagpakitang gilas din si Vic Glysen Derotas II ng Cebu, isa sa top players nina National University Team manager Samson Go at United states chess master coach Jose “Jojo” Aquino na nagkampeon naman sa girls 18 and under category na may 6.5 points.
Ang iba pang notable top player ay sina Zhaoyu Capilitan (7.0 points, girls 8 and under category), Lj Getubig (6.5 points, girls 10 and under category), Me Ann Joy Baclayon (5.5 points, girls 16 and under category), Jinky Catulay (6.0 points, girls 20 and under category), Quarl Maverick Vera Cruz (4.5 points, boys 8 and under category), Vincent Ryu Dimayuga (7.0 points, boys 10 and under category), Lance Danniele Aquito (6.0 points, boys 12 and under category), Jerish John Velarde (6.5 points, boys 14 and under category), at Clyde Harris Saraos (5.5 points, boys 16 and under category).
Inorganisa ni Mr.Eduard Dela Torre at sanctioned ng National Chess Federation of the Philippines kung saan si NCFP executive director Red Dumuk ang nagsilbing tournament director sa pakikipagtulungan nina chief arbiter IA Wilfredo Neri, deputy chief arbiter Michael Joseph Pagaran at FNA Ronnie Tabudlong sa 45 minutes + 30 seconds increment time control format.