Benepisyo sa OTS, ipinanawagan
Nagkasa ng silent protest ang mga tauhan ng Office of Transportation Security (OTS) sa Ninoy Aquino International Airport (NAIA) Teminal 1, sa Pasay City, kahapon.
Nakatalaga sa departure area X-ray machines ang mga nagprotestang empleyado ng OTS, na pawang nakasuot ng pulang arm band upang iparating ang kanilang karaingan sa pamahalaan kaugnay ng mga hindi pa natatanggap na benepisyo o allowances sa nakalipas na ilang taon. Sinabi ni Senior OTS Liza Abacan, tagagpasalita ng grupo, na nais nilang ipabatid ang kanilang panawagan sa pamunuan ng Department of Transportation (DOTr), na dapat naibibigay ang kanilang allowances kada taon.
Paglilinaw ni Abacan, ang kanilang silent protest ay hindi nangangahulugan na inabandona nila ang kanilang trabaho kundi nais lang nilang maiparating sa DOTr na hindi pa nila natatanggap ang naturang benepisyo.
Hindi naman sila tutol sa mga bagong recruit ng Manila International Airport Authority (MIAA) na 175 Security Screening Division (SSD) personnel, na nakakatuwang ng
OTS sa mga X-ray checkpoint, bilang karagdagang tauhan sa departure at arrival areas ng NAIA.
Unang inihayag ng Transportation Security Administration (TSA) na kulang sa security measure ang
MIAA, at hindi ito nakatugon sa panuntunan ng International Civil Aviation Organization (ICAO), kaya navg-recruit ng mga tauhan sa SSD ang MIAA.