Gay fathers, nakararanas ng diskriminasyon
KAHIT naging karaniwan na ang pagkakaroon ng anak ng same-sex couple sa Amerika, maraming gays at kanilang pamilya ang nakararanas pa rin ng diskriminasyon mula sa kanilang mga kaanak, kapitbahay, sales people, at iba pang miyembro ng komunidad, inihayag sa bagong pag-aaral.
Naging madali na ang pagbuo ng pamilya para sa mga gay men. At ito ay dahil sa teknolohiyang medikal sa pamamagitan ng surrogate at pagaampon.
Ginawang legal ng U.S. Supreme Court ang gay marriage sa buong Amerika noong 2015, at binigyan din sila ng karapatan para magkaanak.
Ngunit halos two-thirds ng mga baklang ama ang nakararanas ng diskriminasyon dahil sa kanilang status bilang homosexual dads, at kalahati sa mga ito ang umiiwas sa mga sitwasyong malalapit lamang sila sa maling pagtrato mula sa ibang tao, natuklasan sa pag-aaral.
Nararanasan din ito ng kanilang mga anak. Onethird sa mga gay father ang nagsabi na tinutudyo ng ibang mga bata ang kanilang mga anak, at isa sa limang ama ang nagpahayag na iniwasan na lamang ng kanilang mga anak ang makipagkaibigan sa takot na itratong kakaiba.
“Legal protections today are much more expansive than they were a decade ago, which in turn means that the stigma faced by gay fathers - and, by extension, lesbian mothers - should be less than in the past,” sabi ni Brian Powell, sociology researcher sa Indiana University sa Bloomington.
“But these protections are not universally provided across all states,” sabi niya.
Gayunman, hindi kayang patunayan ng pag-aaral kung ang parenting status o ang sexual orientation ang direktang sanhi ng diskriminasyon.
“These findings suggest that stigma persists for gay fathers, who reported experiencing the most stigma in religious institutions, in restaurants, and from neighbors,” lahad naman ni Julia Raifman, mananaliksik sa Boston University School of Public Health. “In states with less equal rights, gay men who wish to become fathers may be less likely to be able to become a parent and those who do become parents are more likely to experience stigma directed toward them.”