‘Bird Box’ pinanood ng 80 milyon

LOS ANGELES (Reuters) – Ibinahagi ng Netflix Inc. nitong Huwebes na mahigit 80 milyon na ang nakapanood sa thriller movie na Bird Box sa unang apat na linggo ng pagpapalabas nito. Wala namang ibinigay na viewing data para sa Oscar hopeful na Roma. Pinagbidahan ni Sandra

Bullock ang Bird Box na naka-set sa isang postapocalyptic society kung saan kinakailangang magsuot ng mga survivor ng blindfolds, at inilabas ng Netflix nitong Disyembre 21. Naging viral ito nang i-post ng mga tagahanga ng pelikula ang kanilang sariling blindfolded “Bird Box Challenges” sa social media.

Hindi madalas ang paglalabas ng Netflix ng viewing data para sa mga naging pelikula at serye nito, tulad ng ginagawa ng mga tradisyunal na networks at film studios. Ngunit ibinigay nito ang datos sa fourthquarter earnings report nitong Huwebes, na mas mababa nang bahagya kumpara sa inaasahan ng kumpanya.

Sinabi ng Netflix sa isang pahayag na ang mga pelikulang tulad ng Roma, mula sa Mexican director

Alfonso Cuaron, “we are beginning to have our original movie offering mirror the success of our series.”

Gayunman, hindi nagbahagi ng datos ang Netflix para sa

Roma, na nagwagi ng dalawang Golden Globes ngayong buwan at inaasahang magiging nominado sa Oscar sa Pebrero.

Sa pagbabahagi pa ng streaming giant, kabilang sa mga paboritong panoorin ng subscribers ang bagong romantic television thriller series na You at ang bago ring British young adult comedy series na Sex Education, na kapwa inaasahang mapapanood ng mahigit 40 milyon sa unang buwan.

Samantala, wala ring datos na ibinigay sa iba pang high-profile content, kabilang ang pelikulang Black Mirror: Bandersnatch at ang comedy na Dumplin’ ni Jennifer Aniston.