‘Captain Marvel’, may fund-raising
SA tulong ng Marvel superheroes, kumakalap ng P100,000 ang isang non-government organization (NGO) upang pondohan ang feeding at scholarship programs sa ilang komunidad sa Negros at sa Metro Manila.
Sinabi ni Ahmed Davis, head ng James MacKay Foundation Inc. (JMFI), na kakalap sila ng P100,000 at higit pa upang matustusan ang feeding at scholarship programs ng foundation sa unang tatlong buwan ng 2019.
“We are currently feeding over 50 children around the metro and seeking for more scholar to add to our growing list of James Mackay Foundation Inc. honors. We have been doing our feeding programs in the province in particularly Negros and 2019 started with Metro Manila communities,” sabi ni Davis.
Dahil dito, sinabi ni Mafae Yunon Belasco, marketing head ng JMFI, ii-sponsor ng foundation ang world premiere ng pinakaaabangang pelikula na Captain Marvel—na pinagbibidahan nina Brie Larson, Samuel J. Jackson, McKenna Grace, at iba pa—sa Rockwell Power Plant sa Makati City sa Marso 10, 2:00 ng hapon. Hindi ito ang unang beses na kakalap ng pondo ang foundation sa isang movie premiere. Noong nakaraang taon, pinangunahan ng JMFI ang movie premieres for a cause ng
Wonder Woman at Justice League.
Nag-top five sa Miss World 2003, sinabi ni Mafae na sa nasabing event ay ipinaaalam sa mga guests ang mga aktibidad ng foundation, bukod pa sa may meet and greet sa mga benepisyaryo mula sa Philippine National School for the Blind (PNSB).
Todo-suporta rin ang mga sponsors gaya ng The Parenting Emporium, The City Club Alphaland Makati, sa tulong ng general manager na si Nic Belasco; Tasty Tucker; Mackay Green Energy, Inc.; Ramen Metro; Bless Okiniiri; Buensuceso Sondia Construction Corp.; Marco Polo Hotel; Johnson & Johnson; at New Era.
Sponsors din ang Aegle Wellness Center, Happy Skin, Marie France, JCI Makati, Rotary Dasmariñas, Thames International Business College, at Belasco Unlimited Skills Academy.
Sinabi ni Mafae na nagsasagawa rin ang foundation ng iba pang mga proyekto sa larangan ng edukasyon, healthcare, pangkabuhayan at sports.