Amateur kami sa ngayon – Duremdes

HINDI lang dating pro players, bagkus mga out-of-school youth at maging amateur at collegiate players ang mga naglalaro sa Maharlika Pilipinas Basketball League (MPBL) kung kaya’t hindi pa napapanahon na gawinng pro league ang pinakabagong liga sa bansa.

Ayon kay MPBL Commissioner Kenneth Duremdes, hindi nila tinatalikuran ang posibilidad na mapasaialalim sila sa supervision ng Games and Amusement Board (GAB), ngunit hindi pa sa kasalukuyan.

“We stand by our vision that the MPBL is an amateur league. We cater to amateur players from grassroots, college, out of school and even ex-PBA players coming back," pahayag ng one-time PBA MVP na tiguariang ‘Captain Marbel’ sa kanyang pagbisita sa ‘Usapang Sports’ ng Tabloid Organization in Philippine Sports (TOPS) nitong Huwebes sa National Press Club sa Intramuros.

Ayon kay Duremdes, makailang ulit na rin silang nakipag-usap sa pamunuan ng GAB, sa pangunguna ni Chairman Baham Mitra, ngunit hanggang sa kasalukuyan, ay tinatahi pa ng knailang legal counsel ang posibleng maging implikasyon nito sa mga players.

“Mas maganda din naman ‘yung under ka ng GAB. But then again, it will contradict our vision. Mahirap ikuha mo agad ng pro license ‘yung mga players coming from the barangays. Pati mga college players, hindi papayagan na basta mag-turn pro," pahayag ni Duremdes.

Sa kabila ng pagkakaroon ng hiwalay na ‘house rule’ ng mga eskuwelahan at unibersidad sa kanilang mga players, iginiit ni Duremndes na wala silang naging problema sa sa NCAA at UAAP sa kasalukuyan.

“Wala naman kaming problema sa mga schools na may players na naglalaro din sa MPBL. If the schools allow them to play, walang problema. Sabi nga, etong MPBL ay tinatawag din natin na liga ng bawat Pilipino para sa Pilipino," sambit ni Duremdes.

Ibinida ni Duremdes na may anim na koponan ang nagpahayag ng kagustuhan na maging bahagi ng MPBL.

"We have received a lot of feelers already but nothing is definite yet. One of them is Olongapo. We want to make it a 32-team league. Tapos tama na," aniya.

Nakasama ni Duremdes sa lingguhang programa na suportado ng Philippine Sports Commission at NPC sina two-time taekwondo Olympian Stephen Fernandez at Community Basketball Association (CBA) officials Beaujing Acot at Atty. Bong Africa ng Nueva Ecija Defenders.