DoST at Robogals, nagtulungan para sa robotics, engineering courses

NAKIPAG-

UGNAYAN ang Department of Science and Technology (DoST) 10 (Northern Mindanao) sa Robogals Cagayan de Oro upang hikayatin ang mas maraming mag-aaral na subukan ang larangan ng robotics at engineering.

Ang Robogals ay isang non-government organization, na layuning hikayatin ang mga mag-aaral na lumahok at sumubok sa mga engineering topics sa pagbibigay ng mga libreng free robotics classes.

Ayon sa DoST-10, hangad ng Robogals na madagdagan ang kababaihan na pumapasok sa mga kursong Engineering at Information Technology.

“The partnership started last February 3. The DOST-10 approached Robogals after the group’s presentation at the Quantum Information Technology Convention 11,” pahayag ni Science Research Specialist Julie Anne Baculio.

Kinikilala ni Baculio ang pangangailangan ng DoST na bumuo ng isang memorandum of agreement upang maisapormal ang kasunduan.

“We are hoping to sustain the partnership for years. The longer, the better,” aniya.

Sa ilalim ng kasunduan ng DoST-Robogals, magkakaloob ang NGO ng mga libreng robotics seminars sa Science and Technology (S&T) caravan ng ahensiya sa Lanao del Norte ngayong araw.

Habang ang ikalawa at ikatlong bahagi ng S&T caravan ay idaraos sa Camiguin sa Mayo, at sa Misamis Occidental sa Agosto.

“Robogals would accommodate 30 students per caravan because there are only three volunteers available,” pagbabahagi pa ni Baculio.

Nais din umano ng DoST-10 na makipagtulungan sa Robogals para sa pagdiriwang ng Regional S&T Week sa Malaybalay, Bukidnon noong Nobyembre 12-14.

“We can reach more students during the S&T Week because this is scheduled for three days. We target 1,500 participants for the whole event,” aniya.

Sa pamamagitan ng pagtutulungan ng DoST at Robogals, makikinabang ang huli para sa promosyon at mas marami pang mag-aaral ang maaabot ng NGO.

“They told us they’re having a hard time entering schools to give free classes because they are not well known. This year, they target to be recognized as a nonstock, non-profit organization under the SEC (Securities and Exchange Commission),” paliwanag niya.