Ateneo at UP, liyamado sa UAAP 3x3

TILA gustong paabutin ng nakaraang men’s basketball finals protagonists University of the Philippines at eventual champion Ateneo de Manila University ang kanilang naging duwelo sa halfcourt sa kanilang pagsabak sa UAAP Season 81 3×3 Basketball Tournament base sa kanilang mga binuong line-up.

Nakatakdang lumaban para sa UP sina FIBA 3×3 veterans Ricci Rivero, Kobe Paras, Juan Gomez de Liano at kapatid nitong si Javi Gomez de Liano.

Magiging kinatawan naman ng Blue Eagles sina Thirdy Ravena, Matt Nieto, Angelo Kouame, at Matthew Daves.

Nagbabalik naman para sa defending champions FEU Tamaraws sina Wendell Comboy at Kenneth Tuffin na sasamahan nina Alec Stockton at Clifford Jopia.

Sasali na sa taong ito ang UST Growling Tigers na kakatawanin nina Renzo Subido, Soulemane Chabi Yo, Dave Ando, at Rhenz Abando.

Ang iba pang mga koponang kalahok sa taong ito ay ang Adamson (Jerrick Ahanmisi, Simon Camacho, Jerom Lastimosa, and Keith Zaldivar), De La Salle (Jordan Bartlett, Mark Dyke, Christian Manaytay, and Encho Serrano) at National University (Daniel Chatman, JV Gallego, Michael Malonzo, and Karl Penano).

Hindi naman sumali ngayong taon ang last season runner-up University of the East Red Warriors.

Sa kababaihan, sa huling pagkalataon, gustong bigyan ni Ria Nabalan ng titulo ang NU Lady Bulldogs.

Kasamang magdidipensa ng women’s title ni Nabalan sina Jack Animam, Rhena Itesi, at Monique del Carmen.

Nakaamba namang banta sa kanilang titulo bilang halfcourt queens sina Lady Falcons Kat Araja, Shellyn Bilbao, Rose Dampios, at Mar Prado gsyundin sina Lady Tamaraws Clare Castro, Elaisa Adriano, Blanche Bahuyan at Valerie Mamaril.

Hindi rin papahuli sina Growling Tigresses Sai Larosa,Reynalyn Ferrer, Elondra Rivera, at Carolina Sangalang.

Ang iba pang mga kalahok ay sina Ateneo Lady Eagles Zoe Chu, Katrina Guytingco, LJ Miranda at Boom Mosrales, DLSU Lady Archers Joehanna Arciga, Bettina Binaohan, Bennette Revillosa at Charmaine Torres, UE Lady Warriors Tin Cortizano, Princess Ganade, Princess Pedregosa at Anne Pedregosa at UP Lady Maroons Noella Cruz, Cindi Gonzales, Stiffany Larrosa at Lou Ordoveza.

Ang dalawang araw na torneo ay gaganapin ss Marso 2 - 3 sa Ayala Feliz Mall sa Pasig.