Garma, perpekto sa blitz chess

NANAIG si Two-time Olympiad veteran International Master (IM) Chito Garma kontra kay Isagani "Fischer" Ramos para makopo ang titulo sa blitz five minutes play to finish time control mode, six player's field, double round-robin format nitong Biyernes sa Marikina City.

Ang dating University of Manila (UM) stand-out ay kinakitaan ng agresibong laro para talunin si Ramos at manalo sa match 2-0.

Sa kanyang estilo, pinili ni Garma ang maging sharp, complex at tactical systems sa opening para maipanalo ang lahat niyang laro.

Nakapagtala si Garma ng perfect ten-out-of-ten para maghari sa one day event na nagsilbing punong abala si sportsman at Marikina City councilor Thaddeus Antonio "Boy Bolok" Santos Jr.

Kabilang sa mga biniktima ni Garma ay sina Santos (2-0), Filipino National Master and United States chess master Almario Marlon Bernardino Jr. (2-0), World's First Fide Master Adrian Ros Pacis (2-0) at Edgar "Bote" Bautista (2-0).

Tumapos si Bernardino sa second place na may 6.5 points kasunod ang third place na si Pacis na may 6.0 points at fourth place na si Santos na may 3.5 points. Magkasalo sa Fifth hanggang sixth placers na may tig 2.0 points sina Ramos at Bautista.

“I’m very happy to win again, especially first time ito na perfect score ko sa event ni Coun. (Thaddeus Antonio) "Boy Bolok" Santos Jr. ," pahayag ng 54-anyos na si Garma, 2018 Asian Seniors Chess champion.