Search para sa next queens, sinimulan na
NASA Bb. Pilipinas
Charities, Inc. (BPCI) pa rin ang Miss Universe Philippines.
Naka-post sa official website ng Bb. Pilipinas nitong nakaraang Biyernes ng gabi, ang kanilang announcement para sa paghahanap ng mga bagong kandidatang pagpapasahan ng anim na korona ng Bb. Pilipinas 2019 kabilang ang: Miss Universe Philippines, Binibining Pilipinas International, Binibining Pilipinas Intercontinental, Binibining Pilipinas Supranational, Binibining Pilipinas Globe, at Binibining Pilipinas Grand International.
Ang gabi ng koronasyon ay sa Hunyo 2019. Sa mga gustong sumali, mada-download ang application form sa official website ng timpalak www. bbpilipinas.com. Ang deadline ng submission ay sa Marso 15.
Nasa BPCI pa rin ang local franchise ng Miss Grand International, kesehodang ang organizer at reigning queen nito ay nagpasaring sa ating 4th Miss Universe na si Catriona Gray.
Bahagyang na-late ang 56th search ng Binibini dahil sa mga isyung kinaharap nito. Marso 18 ang timpalak last year. Abril 30 noong 2017. Abril 17 noong 2016 at Marso 15 noong 2015. This year naman ay sa Hunyo ang grand coronation.
Katatapos lang ng 67th Miss Universe at 10th Miss Supranational last December, at ang 47th Miss Intercontinental naman last January.
Sa Oktubre pa ang 59th Miss International at 7th Miss Grand International.