Travis Scott, nag-delete ng IG
BINURA ni Travis Scott ang kanyang Instagram account matapos niyang itanggi ang mga balita ng cheating sa kanyang girlfriend na si Kylie Jenner, ulat ng Cover Media.
Nagdesisyong maaalam muna sa social media site ang rapper, na may isang taong anak sa reality star, si Stormi, makaraang magsulputan ang mga balita ng kanyang “unfaithfulness.”
Una rito, inihayag ng Astroworld rapper sa Twitter nitong nakaraang linggo na kinakansela niya ang nakatakda sana niyang gig sa Buffalo, New
York, dahil umano sa sakit at pinaalalahanan ang kanyang mga fans na valid pa rin ang mga nabiling tickets sa rescheduled date.
“Buffalo I’m so sorry I can’t perform tonight. I’m under the weather and it f**king sucks!”post ng rapper. “Can’t pull up without full rage. Show rescheduled to March 10 all tix are valid. See u soon.”
Matapos ang tweet, iniulat ng TMZ na ang kanselasyon ng gig ay hindi dahil sa karamdaman, ngunit dahil kailangang manatili ng Stargazing singer sa Los Angeles “to sort things out with Kylie”, dahil sa cheating issues.
Napaulat na bumalik pa sa Los Angeles si Travis para sorpresahin at makasama ang kanyang kasintahan at anak, hanggang sa nagdesisyon siyang manatili muna upang ayusin ang kanilang relasyon. Sa isang hindi inaasahang hakbang, naglabas ng pahayag si Travis sa pamamagitan ng kanyang representgative kung saan niya itinanggi ang espekulasyon. “Travis Scott vehemently denies he cheated on Kylie. It is not true. He did not cheat,” saad ng kanyang kinatawan. “He cancelled one show tonight because he is under the weather.”